كمل كلامه عمو وكال لماما هي صح صغيرة بس احنه هسه نسوي خطوبة ومن يتخرج يحيى نزوجهم .
ومنا لمن يتزوجون اني اتكفل بكل مصاريفها
عيوني انترست دموع ردت اخفيها دنكت وكعت بحضني ولا حتى اخذوا رأيي وكالوا موافقة لو لا
ولاسألوني رجعت باوعت ليحيى يباوع لعمو بعدم رضى
لمن انفردنا وحدنه اني وماما عاتبتها
ماما شتحجين انت شتكولين ؟ اكو وحدة تسوي سوايتج رخصتيني بيناتهم شيكولون عليه هسه
ماما اني ماريد اتزوج يحيى
ليش شبي يحيى بنتي ابن عمج وكلش خوش ولد ومؤدب وشاغول يدرس ويشتغل متلكين مثله دشوفيني شون تعبانه ودشوفين ابوج شون بهذلنا اخواتج وحدة مادري عنها ووحدة بين الحياة والموت
لا ادري بيها تعيش لو تموت
ماما اسم الله عمرها طويل والله يهدي بابا ان شاءالله ويرجع مشاعر وان شاءالله هم مابيهه شي ونرجع نلتم مثل قبل
يربي والله مو صعبة عليك موصعبة يربي.
ظلت امي تقنع بيه واني حتى ماعندي خيار ارفض او اقبل نهائيا .
.........
مشاعر
.........
بعد العقد راحوا الشهود وراح السيد كعدت اني بالصالة يائسة وضايجة وماعرف شنو ينتظرني .
اجه بابا وقيس بعد ماوصلوا السيد والشهود للباب
بابا على وجهه ضحكة صفرة اكرهها باوعتله انقرفت واني اكرهه ودرت وجهي
كال لقيس يله شد حيلك حتى تكول لاهلك وابوك وتاخذ موافقته اهم شي
اي اي عمي سهلة بس فد جم يوم واكللهم عمي علوان انت تدري غلاتك عند ابوي بس هم بنفس الوقت تدري عمي مازن هم هو يصير اخو ابوي وبعد تدري ابوي يبدي بس هم اقنعه اني لتهتم
بابا ظل يربت على كتف قيس اي اي ابني والنعم منك انته اني اعتبرك ابني لان تدري ماعندي ولد واني واثق منك .
ان شاءالله اكون عند حسن ظنك عمي ومشاعر بعيوني والله
متقصر ابني قيوسي والفين مبروك بنتي مشاعر
ان شاءالله برفاه والبنين
كتله احنه ترة بعدنه ممتزوجين حتى تكول بالرفاه والبنين
ضحكوا عود اثنينهم
درت وجهي منهم
بابا كال يله اني طالع اخليكم تاخذون راحتكم
كمت من القنفة وانتفضت
لا لا بابا وين تروح وتخليني يمه
لج شبيج زوجج هذا وشيكول سوي اني طالع وكافي لا تتعايرين
بلعت ريك وجنت ميتة خووف من قيس وادعي على بابا بقلبي واباوع اريد اشوفلي مكان واشرررد
