سجينة النهوى

٧

سجينة النهوة
ميمي
الفصل ٧ ..

شاف موبايلي ع الشحن اخذه بقووة كال هذا المن الموبايل ؟
ماحجينا ميتين خوف كال بصوت كلش عالي وغاضب
احچن ؟؟؟
كالتله سالي لمشاعر .. كال بعد ماكو مو بايل واخذه خلاه بجيبه وراح للكنتور طلع جنطه واخذهه وطلع من الغرفة ..

سالي .. امي شون تعوفنا منو يحمينا هيه نست بابا شجان يسوي بينا قبل شون تتركنا تحت رحمته وسيطرته ..

مشاعر:-  حضنتها وحضنت اروى ودموعي توكع منا ومنا كتلها اش ليسمعج  ..

سالي :- ولج مشاعر مدا اكدر استوعب .. حجتها ونبرة الغصة مسيطرة على اوتارها الصوتية ..
خو اروى ماتت من البجي كوة تتنفس واختنكت اخذناهه غسلنا وجهه نومتها بحضني غفت وهيه الشهكة مدتفاركهه..

بقينا بالغرفة لليل اجت مرة عمي كالت تعالن تعشن
_ خالة مانريد على يا نفس ناكل والله ما نشتهي ..
__ مايصير ماتاكلن وهاي اختج الزغيرة مريضة وعدها علاج كوميها هيه ع الاقل ..
رحت يم اروى اوعي بيها
اروى كومي اكلي حتى تاخذين علاجج ..
كامت على حيلها منعسة وتفرج بيديها ..
اخذتها عمة وطلعت .. كتلها سالي روحي تعشي اذا تردين
كالت ما اشتهي .. راحت تمددت تالي اتخذت وضعية الجنين وصفنت واني ثنيت رجلية وحضنتهم لصدري وبقينه على هاب الحالة بالساعات مندري شنسوي .. ملل قاتل وكآبة مفولة عدنا وماكو شي نتلهى بي وفوكاهه بابا اخذ تليفوني شراح اسوي يربي ..
فاتت اروى للغرفة
كتلها ها تعشيتي هزت راسها اي
لعد تاخرتي يمهم
جنت اقري دعاء بنت عمو انكليزي
ياصف دعاء
بالخامس
ها يعني اصغر منج بسنة
لا راسبة هيه بعمري
ها ،، اكلتي انطيج دواج
اي اكلت .. والله مقهورة ع المدرسة اني هالسنة سادس ووبكالوريا حرامات تضيع هالسنة ..
€_لعد واني هم سادس اعدادي وهم حتفوتني شنسوي مقسومة النا هاي السنة تضيع ..
دنحجي انفتحت الباب وفات بابا . 
سدى ودخل كال تعشيتن ؟ دررنه وجهنا بس اروى تباوعله بعتب وقهر وعيونها حمرة جمر ..
مجاوبنا وهو صاح تعشيتن شبيييج .. صاح بوجه اروى
اختها من راسها وحضنتها .. كال طبجن طوب صوج اليسألجن ..

تجتبنا نباوعله وغلسنا منجاوبه هو ظل يحوس وبدل ملابسه صاحله عمي وراح اله كعدو بالهول بصف الغرفة الي احنا بيها ونسمع عمي نحجي ويا ..
يكوله مايصير الي سويته بمرتك وبناتك يا علوان روح خابرها ورجعها ليش تهدم بيتك وتفرق بين عائلتك ..

كاله بابا :: هيه دائما هيج مشاكلنا مو اليوم وامس صارلنا سنين على هالخال مل مرة تزعل وترجع بس هالمرة راح الزمها من ايدها التوجعها واخليها تحلم تشوف بناتها ..

_ مايجوز هذا الشي يا علوان انت مو زغير واعلمك انه شو عمرك بالاربعين رجع مرتك ولم شمل عائلتك ..

_ اني اريد اتزوج اريد ولد سهاد مامنها فايدة بعد مريضة وكل سنة يصير عملية اريد اجدد ان مارجعت بعد احسن ..