هلاووو ... بالاول تنويه ... تنويه .. يحتوي البارت على تفاصيل جريئة 🤭
عدد كلمات البارت ١٢٥٣
والتنزيل يومي ان شاءالله
مشاعر
........
من عاط متوجع فتحت الباب وظليت اباوعله اتفحصه وقلبي احس بي ألم يوجعني .. هو رفع راسه شوي شوي وظل يباوعلي ..
علي روح منا حباب اذا مابيك تروح خابر على عمو او اي احد يجي ياخذك
نتر وخري خليني افووت
بابا هنانه جوه وانت متوجع حباب روح لتبقى بابا كلش معصب وخاف ياذيك وانت متأذي
هو وينه ابوج اني اريد احجي ويا
مايفيد الحجي ويا واحنه غلط لمن اجينه هنا لازم نرجع لماما وهيج لازم يصير من البداية ...
امج تسأل عنجن تخابر كل يوم واحتمال ترجع وتجي يمنه حتى تاخذجن امشي وياي مشاعر ابوج مايفيد تبقين يمه
اني ماروح لاي مكان ولا اتحرك بدون خواتي
تعالي انت ليش نكرتي كل شي!! انت تدرين واني ادري الي صار البارحة شنو الصار وغيرتي كلامج ؟ هددج ابوج بشنو وخواتج وين ؟ ووجهج ليش هيجي متشوه ؟؟ لمن شفتج البارحة اكو اثار ضرب بس هسه زايد؟ احجيلي ولج ؟
ماكو علي ماكو شي روح روح هذا مو بصالحنه الله يخليك رووح
والله راح تندمين مشاعر وتضيعين نفسج وخواتج ولج دا اكلج امج راح تجي النه
اي اذا اجت جيبها لهنا عوود
سمعت صوت باب الغرفة الي نايم بيها بابا انفتحت واجانه صوت بابا يصيح ها هم جيت انته اطلع من غير مطرود يله ماريد احد منكم لا انتوا اهلي ولا اعرفكم
علي كوه متحكم باعصابه .... عمي انته شتريد بالضبط ؟ وليش هيج دتسوي ببناتك بس كلي ؟ شرايد حتى ننطيك
مارايد ويله ولي
زين انطيني مشاعر اني جاي اخطبها منك مرة ثانية وشتريد مهرها اني حاضر تريد قطعة ارض انطيك قطعة ارض واسجلها باسمك بعد شتريد ؟
ظل بابا يحك بلحيته ويباوع علينا بمكر وتفكير ...
اني جنت متحيرة وبنفس الوقت اريد اسمع جواب بابا شنو حيكون
وعلي بلش صبره يخلص ومبين عليه متوجع هوايه ..
كلساع وتخربطت ملامحه!
سالي
.......
اني كاعدة بيناتهن وهن يحجن اسمعهن بس بالي مو يمهن ابد فكري وبالي يم اروى اختي خطية مريضة ووحدها بالبيت ولا بيها تكوم وتعيين نفسها
التفتت لشوشو خالة حبابه يلا شوكت نروح للبيت خطية اختي وحدها ومريضة عفية مايصير تبقى وحدهه خاف تحتاج شي
