عطتت عزاااا علي موو هيجيييي
باوعلي خزرني ملامحه تخوف جنه نمر غضبان
صيح بعلو صوته خايفه عليه مووو امشي فوتي جوة وضربني على كتفي حيل
لزمت كتفي متوجعة ..
بهللحظة طلعوا يحيى وحامد وعمو ابو علي وعمو ابو محمد ومحمد كلهم واحد وره الثاني اجه
ظلوا يسالون علي شكو وشصار
هو صيح تعالو شوفو اخر انجازات علوان مزوج مشاعر لهذا وياشر على قيس الي جان محتار بنزيف خشمه الي اخذه اخذ
دخلوا جوه بطرمة بيت عمو ابو علي وسحولو قيس المسكين وياهم جان جنه دجاجة بين مية ديج محتار بروحه
كاللهم شتردون مني انتوا هلي اخذ مرتي واولي ماعندي شي وياكم اني
علي كاله لك مرتك شنوو مطي مرتك شنوو تريد امسح الكاع بيك هسه
تايهلك تمسح بيه الكاع خو ماجاي اجذب عليك ابوهه زوجهه الي وهاي كدامك اسالها
كلهم التفتوا عليهة
سالني عمو ابو علي صدك هالحجي مشاعر ؟
هزيت راسي بأي .. جنت محتارة بين اريد لرجع ويه قيس وبين ابقى عند عمامي لان خايفة خلص اني صرت من نصيب قيس وهو تقربلي وهذول عمامي شراح اكوللهم
......
عمي كال لقيس ادري انت وين عايش ماتفتهم احنه ناس عشاير انت شون تاخذهه هيج ؟
عمي جاي اكلك والله ابوها موافق وهو زوجها الي
صيح علي بزئير انجب هم كال ابوها زوجها الي شنو ابوها مكطوع من شجرة ماعنده عشيرة ماعنده اخوان
كبل هيج زوجتها وبعدين تعال اكلك انت بس عقدت عليها لو ازوجتها ؟
باوعلي وتوتر كال ها اي تزوجتها
عمو ابو محمد كاله وين عقد المحكمة وين سويتوا عرسكم اهلك شون قبلوا تاخذ وحدة ماشايف عمامها ولاكاعد وياهم
تالي كال ها لا بس عقد
منو شيخكم انته ؟ احنه البنية ناهين عليها ها ترة انطيني اسم شيخكم وحضر عمامك حتى نكعد
ها لا عمي ماله داعي امهلني هلجم يوم اجيب اهلي واخطبها رسمي منكم واتزوجها
صاح علي لك قندرة ادفر المطي الي امدد براسك ليش تخليني هسه ادفنك بارضك وانعل عشيرتك كلها جاي اكلك انه ناهي عليها جاي تفتهم الحجي انته لو لا ابن الكلب
عمامي ظلوا يهدوؤن بعلي لان يريد يهجم عليه ويكتله
وكالو لقيس حضر عمامك حتى نكعد انتوا تعديتوا علينه
ظل يتوسل بيهم ياخذني مقبلوا واني ميته خوف ظليت ارجف رجيف مصاير
خاف يعرفون قيس ماخذني ومتتم زواجه بيه
