سجينة النهوة
بارت ٥
سكتي سكتي خل نفهم شنو السالفة صاحت عليه امي
نطت مرة عمي ام علي من يمها كالت واضحة السالفة ابوج مانطاج علي نهى عليج ويلله الجمعة الجاية اخطبله بنت اختي ..
كتلها لحظة لحظة شنو تخطبيله متسمعين اني هو نهى عليه ..
اي نهى عليج خو ما انت هم نهيتي عليه هو يصير يتزوج وانتي لا كعدي عنسي ..
انصدمت وصيحت شنو هالظلم يا الهي هذا يامحروك الصفحة خلى هذا القانون ادري وحوش انتو احتركت روحه الي سن هاي العادة الكسيفة ..
مرة عمي ام علي عوجت حلكها ودارت وجهه وكالت شون لسان تروحين فدوة لالهام بنت اختي امدااج ..
كتلها واذا تزوجت غصبن عليه ..
كالت امه تصير كاتل ومكتول ..
انصدمت اكثر الهالدرجة معقولة وين عايشين الناس وصلت للقمر وبنت جوة المي مدن واحنا نهوة ومانهوة خرب بهيج مجتمع عشائري مقيت ..
وحدة من خوات علي كالت عشتو وين تلكين مثل علي انتي وترفضي لو تفرين الكوون كله متلكين مثله ..
كتلها لايكون يشتغل بالبيت الابيض واني ماا ادري ..
هم زين ماراح تصيرين من نصيب اخويه لانج وحدة ملسونه ومتستحين ممرباية يستاهل وحدة احسن منج..
كالت امها اي الهام موجودة هسه بس نطلع منا نروح نخطبها اله ..
هاي شنووو خطبة لو عركات شبيكم عليه عيب تكولين هيج احترمي .. امي بعد شوية وتنفجر ، لاتكدر تردهم ولا تكدر تسكت ، لزمتني من ايدي وطببتني بالغرفة وكالت ابقي هنا ما اسمعلج نفس افتهمتي ..
دخلت يم خواتي ارجف والدمعة عصت بعيني خلص دمعي اروى اختي كالت ولج صار هدوء يمكن راحوو
هسه شبيج انتي ضايجة احجيلج فد شي مشاعر لتخوفيني عليج .. باوعتلها كتلها سمعتي شكالت ام علي كالت نهى عليه يعني للموت بعد مااكدر اتزوج وهو عادي يعيش حياته .. جنت خايفة لا بابا ينطيني اله غصب هسه انوب زودتها نهوة علي عليه وحتكبر المشاكل اني منو يحميني منو الي يوكف بوجهم منو يهمه مستقبلي منوووو؟؟؟؟
خليت ايديه على راسي اضرب بي ... حلم ارجع لبغداد حلللم بعيد المنال اله انهزم واروح لخوالي وخوالي كلمن ملتهي بهمه اكيد يرجعوني لابوية اكيد ومتقبل غلط ..
دخلت امي للغرفة تجر بروحها جر كعدت هادئة متحجي واحنا هم ساكتين والصمت والحزن مخيم على اجواء الغرفة ومينسمع بس اصوات حسراتنا ..
بعد دقايق دخل ابوي والخذلان مسيطر عليه ومطوقته الخيبة ،،، تلكته امي بس ماحجت شفايفها ترجف وجسمها هماتين ..
فتح الكنتور وجر الجنطة وظل يخلي بيها ملابس راحتله امي كلتله ها علوان راح نرجع لبغداد ؟
كللهه انتن ظلن هنا اني رايح كم يوم وراجع
