سجينة النهوى
بارت ١٧
ميمي
سالي
.......
بقيت حاضنة اروى وابجي عبالي ميتة واجر بشعري والوم نفسي
وشوشو تدفر بيه بظهري تريدني اسكت
دنكت خلت اديها على ركبتها جست النبض مالتها
رجعت دفرتني وحجت وووجع وسم وزقنبوت عايشة عايشة شجااج باعيها جاي تتنفس صرعتيني شبيج تلطيها نايمة هسه
رفعت راسي عليها وحاجيتها لو نايمة جان كعدت اشو مدتجاوبين
ظلت تدردم وراحت طبت جوه
حسيت باروى فتخت حلكها وشوي شوي فتحت عيونها بثقل من شافتني فزعت حضنتها لصدري
عمري اروى حياتي روووحي انت عايشة ظليت ابوسها حيل على راسها ممصدكة فتحت عيونها
ظلت تحجي بنفس مكطوع سسسا لي لا ااا تتركيني بعد وحدي واالله والله اخاف حبابة اريد ما ما
شهكت وياهه بالبجي
مر وقت اندكت باب الشقة شوشو صاحت من مكانها والظاهر هي بالحمام
صخاااام سالي طرشة خرسة متسمعيييين ارووحي فتحي الباب ولج
خليت اروى ع الكاع وطمنتها هسه اجي هيه خطية شدت اديها عليه حيل
حبيبتي لاتخافين اروح افتح الباب هذا اكيد بابا جاي علينا حتى يرجعنه .
هي هزت براسها واني كمت فتحت الباب وطلع صدك بابا .
شمرت نفسي عليه لزمته من دشداشته وظليت اصيح بألم وقهر
بابا ليش هيج سويت بينا ليش تريد تضيعنا حرام عليك احنه بناتك حرااام .
دفعني ودخل جوه ولا اهتم لكلامي
ولج وينها اختج صدك ماتت ؟
لالا بابا بس اذا تبقى على هاي الحالة والله تمووت والله .
مشى واني مشيت وراه لحد عند اروى .
راح ظل يباوعلها شافهه منتهية خطية وشحالها
كال ببرود جيبيها خل نوديها للمستشفى
بابا شيلها انته خطية وين بيها تمشي
طلعت شوشو اجته ترزل بي وهو ولا حجايه
انطيني فلوس بناتك موتني شلني شل هبطني ومن هالحجي
طلع سفطة من جيب دشداشته وحطها بيدها
واخذنه للمستشفى اروى خطية بحال يرثى الها
فحصتها الطبيبة وطلبت اشعة سوولها اشعة بالمستشفى واحنه بعد ماكنالهم عدنا اشعة شيرجعنا للشقة وناخذها
لمن الدكتورة شافت الاشعة كالت اكو تكتلات ع الرئتين وبالسونر يبين اكثر ولازم ننتظر لباجر يله يسوون سونر الها نومونا بالمستشفى واني بقيت وحدي وكلشي مااعرف
