شلونكم بنات جنت ناسية الباسوورد وبعدهه تليفوني عطل فترة 😢كوة تعرفت على بنية علمتني اربطه وانفتح وطول الفترة هاي كتبته بدفتر القصة مادري اذا بعدكم تردوها لو نسيتوها مو مهم بس اني ملزمه اكملها الكم واسفه ع تاخير .
سجينة النهوة
بارت ٩
ميمي ....
مرت عدة ايام بعد طلعتنا من بيت عمو ابو محمد.
بقينا بفندق تقريبا ٣ ايام بعدها اجاه اتصال وطلعنه من الفندق و ابويه اخذنا بتكسي وانطلقنا مسافة مو كلش بعيدة شي ربع ساعة ووصلنا لمنطقة ابويه وكف التكسي وانطاه الكروى ونزلنا ، مشينا مسافة وصلنا لعمارة
كال اوكفن هنا وكفنه ، الجو جان بارد كلش ظلينه نتراجف من طلعنه من السيارة ...
بقينى واكفين وابوي رايح جاي يخابر ومتعصب ....
اروى تعبت كلش واجت توكع اخذتها وكعدت بيها ع الكاع وحضنتها وهيه مابطلت كح بس تكح ...
بقينا بالنص ساعة واكفين بهالمكان وبابا بس يدخن ويروح ويجي ،، باوعت لاروى تعبت حيل
كتله بابا بابا ترة اروى تعبت كلش خلي نوديها للمستشفى خطية ..
كال اششش سكتي ولا نفس ماسمعلج صوت هسه يجي الولد ونفوت بالشقة وتصير زينة عود ...
نص ساعة واجه ووكفت يمنه سيارة حديثة وعالية وتلمع من النضافة مديت راسي اباوع عليها نزل منها شاب لابس اسود ونضارات سودة حسيته باوع عليه واني دنكت العب بشعر اروى الي نايمة بحظني ..
هو دار واجه يم ابويه سلم عليه وانطاه مفتاح
كاله هذا مفتاح الشقة امشي اصعد وياك ادليك عليها ...
كاله بابا تمام تعبناك ويانه ممنون من الحجي هواي
الولد كال ولا يهمك حجي واشرله بيده تفضل
ابويه اشر النه وكال يله بويه كومن
كمنا نسحل باروى سحل وهيه مستمرة تكح بشكل مو طبيعي
الولد نزع نظاراته وظل يباوع عليه خلى النظارات بفتحة القميص من يم صدره
واجه يمي اني لازمه اروى من اليسار وبيدي جنطة باليمين
كال جيبي الجنطة اساعدج ماحجيت بس باوعت عليه ومديت ايدي انطي الجنطة اخذها وتلامست اصابعي ويا اصابعه ...
تحرك برشاقة وبيده الجنط وصعد قبلنا واحنا وراه
للطابق الثاني يله وصلنه للشقة بابا فتح الباب
والولد واكف ورى بابا مستغل انشغاله بفتح الباب لثواني يباوع عليه حسيت بنظراته جريئة تفترسني دخلت خصلات شعري الطالعة بالشال
واروى كرفصت وكعدت وارتكت ع الحايط بألم ومستمرة تكح تكح موتتني خوف عليها ...
دخلنه للشقة وكبل للصالة بيها نص تخم قنفات شوية قديم ومبين الشقة كلها تراب انوب زادت اروى بالكحة
ظلو يحجون بابا و الولد الي عرفت انو اسمه قيس
من خلال الحديث بينهم بابا ناداه باسم قيس
قيس كال لبابا يله عمي خلي البنات هنا ماعليهن شي والعمارة امنه وامشي وياي ابوي يريدك حتى نخلص شغلنه
