سجينة النهوى

١١

سجينة النهوى
:بارت ١١ :

صرخت بي الله ياخذذذك بشنو تريد تووورطني يااحيووووان ؟ شنوووو ؟

صاااح وطابك اسنانه ومعصب لج فوووتي كعدي كدااام كككك****؟

لا تغلط حقير لاتغلط ،، ظليت اضربه على كتفه وادفع بي ..

التاف عليه عيونه طالعه من مكانها وحمرة تخوووف لزم ايدي لاواها وظل يجر بيه ليكدام وصاح لعد تعاي هنا لا ادفنج بيديه والله ..

سحبت ايدي منه واحس بوجع قوي ايده قوية وتوجع نترت .. اصبر راح اجيي اصبر ..

اريد افتح االباب عااط وعينه ع الكدام مكان السيطرة
كال تعااي منا لاتفتحين وياشر ع البين الكشنات الكدام

اخترعت من صياحه كتله شون افوت منا جاهلة اني .

طبك اسنانه وكال فوتي تفوتين ضعيفه انتي تفوتين يله فووووتي .

جعصت روحي وفتت اجت رجلي ع الكير ظل يصيح
ولللج الكير راح تمشي السيارة ثوول ..

صحت مشكلتك متشوفيني شكدي شون افوت لعد

كعدي كعدي ..

كعدت كدام الدنيا مغرب وظلمه

كال سوي نفسج متخربطة يله . سويت مثل ماكال
وصلنه للسيطرة واني ضامه العلاكة بصدري ومدنكة راسي ومسويه نفسي متخربطة
الضابط ساله منو هاي وشبيها ووين رايحين
جاوبه قيس متوتر هاي خطيبتي متخربطة ورايح اوديها للمستشفى .
ويبتسم متوتر رغم شته بس عرك هوو مبين ارتفعت حتى حرارته من الخوف .

ظل الضابط يباوع ووجهلي الكلام شوبالله بابا باوعيني ؟
باوعتله كال هذا خطيبج ؟
كتله اي وهزيت راسي .. وباوعت لقيس بتوتر
كال يله فوتوا ،،، قيس ماصدك حرك بسرعة ..وهو متوتر كوللش .

بس عبرنه السيطرة التفتت عليه انت شدتسووي بيه خواتي وين رجعني للبيت رجعني طلعت حقير عبالي دتسوي زين النه وتودي اختي للطبيب طلعت عندك غاية حقيرة وصخة مثلك

قبضة ايده على حلكه باوعلي ونتر انلصمييي
ورجع دار وجهه على الطريق .

ظليت اضرب بي نزلني نزلنييي حقير حيوان نزلني ....

رفع ايده وضربني على وجهي بقووة انركع وجهي بالباب .

توجعت حييل وانقهرت على روحي وكرهت ابويه اكثر ابويه الي شكله راح يضيعنه .

رجعت اضربه على ايده وافشر واغلط عليه واصيح نزلني حقير كلب انته بشنو تريد تورطني .

لزمني من عكسي حييل وبيد وحدة يسوق ظل يفشر عليه ويدفع بيه حيل
ككك ادبسز مطيه راح نسوي حادث بهالليل استجني حيوانه لج ابوج متورط ويانه وبس ننلزم هم اورطج انت همين .