مشهد مستقبلي ...
دخلت لغرفتي توة جيت من برة الساعة ب ١١ بالليل
جنت بالكوفي ويا جماعتي ،،، نزعت قميصي وشمرته ع الزاوية بقيت بالفانيله التعلاكة ..
فتحت الكنتور اريد اطلعلي ملابس انفتحت الباب
وفاتت بسرعة ،، لابسة كلبية سودة ربع ردن وشالها على راسها .. بس دخلت سدت الباب وراها ..
وخرت باب الكنتور وتقربت منها شافتني اتقدم لزكت جسمها بالباب .. وصار صدرهه يعلى ويهبط ..
ابتسمت ابتسامة مستفزة كتلها ها شعندج ..
كالت سمعت راح تتزوج ؟
وانتي ليش ضايحة (جاوبتها)
هه وعلى شنو اضوج جايه احذرك ترجعلي بنتي وهذا اخر تحذير الك بعدها اعذر من انذر ..
وشسوين يابه ؟
حتشوف يا علي اني مشاعر ما اسكت بعد وحق هو الله ..
تقربت منها اكثر وماتفصل بينا بس سانتيمات قليلة
احسها خافت كلش مدت ايدها للباب تريد تفتحها حتى تطلع ، مديت ايدي قبلها وقفلتها وجريت المفتاح ..
كالت علي رجعلي بنتي احسن الك لا والله اخليك تندم تشوف مني شي عمرك مشايفة ..
صايرة تهدد الحلوة .. خليت ايديه على الباب وحجزتها كتلها اي كملي خل اضحك ..
صارت انفاسها خليط ويه انفاسي بسبب قربها مني
كالت ويحيى ميتزوج سالي لو تموت يا علي
كافي تدمرون حياتنا كافي ..
اممم وبعد ..
مقتنع برجولتك انته كتلي احبج ودمرت حياتي وهسه تريد تتزوج شدتحس..
مديت ايدي لخصرها جذبتها اليه صارت كلها لازكة بيه صاحت اه متوجعة ولزمت بطنها متألمة ،، لزمتها من راسها قوي انكسرت القراصة بشعرها وانفتح بالتدريج وطخ بخصرها ..
مديت ايدي وخرت شعرهه من على وجهه كتلها اي صح جنت رايدج خليت راسي برقبتها اشمها وهيه تبعدني عنها ..
وخرت راسي كتلها بس هسه صرتي مستهلكة
ودفعتها بالارض وكعت وصاحت اه بألم
كتلها بنتج انسيها ابد ابد ..
وخرت عنها خطوات واحس رطوبة بملابسي باوعت فانيلتي حمرة من جوة كلها دم
رجعت باوعتلها شفتها لازمة بطنها وتتألم بشدة ركضت عليها نصيت وكرفصت يمها
رفعت راسها كتلها شكو شنو هذا الدم ؟
ملامحها كلها تبجي وكوة يطلع منها الحجي
كالت الله ياخذك اذيتني لجمت عمليتي صرت انزف وايدها كلها دم .. وتضرب بيه على صدري
لزمتها من ايدها الي تضربني بيها بقووة
كتلها كومي اوديج للمستشفى بسرعة ..
.....
انتظروني انزل بارت بالليل ب ١ او ب ١٢ اذا شفت حماسة اكتب وانزل ...
فديتني نشيطة اليوم😎نزلت بارت لقصة بين طهر وخطيئة ومشهد هنا وبالليل انزل بارت اذا كملته ..
توقعاتكم للاحداث وشنو رايكم بهذا المقتطف من الاحداث الجاية .. نوروني ..
