My Hell

Part 14 Unicode+Zawgyi

Unicode Version
မှူးနဲ့ မမကြားမှာရှိတဲ့ဆက်ဆံ​ရေးက​
သာမန်လုပ်​ဖော်ကိုင်ဖက်ထက်ပိုပြီး
တကယ့်​ဘော်ဒါရင်း​တွေလို
​ပြောမနာဆိုမနာဆက်ဆံ​ရေးလို့
​​ပြောရမည်။
​တော်ရုံ​စ​နောက်လို့ ဘာမှမဖြစ်သွား။
အရယ်အပြုံးမပျက်ကြ။

ဒါကလည်း အမြဲတမ်းအတွက်​တော့
မမှန်ပါ။
မှတ်မှတ်ရရ မှူးကိုမမစိတ်​​ကောက်ခဲ့တဲ့
​​​နေ့တစ်​နေ့။

အဲဒီ​နေ့ည​နေက ရုံးဆင်းချိန်။
မှူးနဲ့မမ ရုံး​ရှေ့မှာရပ်ပြီး
ခဏစကား​ပြော​နေတုန်း
မမဆီဖုန်းဝင်လာသည်။

"ဟယ်လို .. ​အေး .. ​ပြော"

"..."

"ဟာ! နင်ကလည်း .."

"..."

"ဒီအချိန်မှဝယ်ပြီးသားလက်မှတ်ကလည်း
Refund ပြန်ရမှာမဟုတ်​တော့ဘူး
နင်က ​စော​စောစီးစီးမ​ပြောဘူး"

"....."

"​ဟဲ့! နင်ပိုက်ဆံပြန်​​ပေးတာက​ပေးတာပဲ
End Game လက်မှတ်ရဖို့က
ဘယ်​လောက်ခက်လဲ?
အဲဒါကြီး အလကားဖြစ်သွားမှာ
နှ​မြောစရာကြီးဟ"

"...."

"​အေးပါ .. ပြီး​ရော .. ဒါပဲ .. ဒါပဲ"

ဖုန်း​ပြောပြီး​နောက်
မမက သူ့ဆံပင်ရှည်​တွေကို
လက်နဲ့အသာထိုးဖွကာ
​နောက်ကို သပ်တင်လိုက်ပြီး
မှူးဘက်လှည့်လာခဲ့သည်။

"နင် Avengers ကြည့်ချင်လား?
End Game ​လေ"

မှူးဘာပြန်​ပြောရမှန်းမသိ။
မှူးက စူပါဟီးရိုးကား​တွေကို
ကြည့်​လေ့ကြည့်ထရှိသူမဟုတ်။
ပြီး​တော့ Avengers End Game က
​ရှေ့ကထွက်ခဲ့တဲ့ကားမှန်သမျှ
မလွတ်တမ်းကြည့်တဲ့
Marvel Fan ​တွေမှကြည့်လို့အဆင်​ပြေမယ့်
ရုပ်ရှင်မျိုး။
မှူးက Marvel ကား​တွေ
တစ်ကား နှစ်ကား​လောက်အပြင်
ပိုကြည့်ဖူးသူမဟုတ်​တော့
အင်း ..... အရမ်း​တွေအဆက်အစပ်မိမှာပဲ။

ကိုယ့်အခက်အခဲကို မမကို​ပြောပြ​တော့

"ရတယ် .. ငါက Marvel Fan ဟဲ့
နင့်ကိုငါအကုန်ရှင်းပြမယ်
လိုက်သာကြည့်"

"ဖြစ်ပါ့မလား"

မှူးက​ခေါင်းတကုတ်ကုတ်။