My Hell

Part (16) Uni+Zawgyi

Deja Brew မှာ​​ကော်ဖီ​သောက်ပြီး
ပြန်ထွက်​တော့ အချိန်က ည (၈)နာရီခန့်။
မှူးနှင့် မမ နှစ်​ယောက်သား
စကားတ​ပြော​ပြောနှင့်ပြန်ထွက်လာစဥ်

"Tell me how's it feel
Sitting up there 🎶🎶
Feeling so high ..🎶🎶
But, too far away to hold me🎶"

မဝတ်ရည်ရဲ့ဖုန်း ringtone သံ။
Halsey ရဲ့ Without me ​သီချင်း။
သူ့မှာလည်း ဒီသီချင်းနဲ့ပတ်သက်တဲ့
ခံစားချက်တစ်ခုခုရှိ​ကောင်းရှိမှာ​ပေါ့​လေ။

မှူးလည်း စပ်စုတာ​တော့မဟုတ်​ပေမယ့်
ကိုယ်နဲ့​ဘေးချင်းကပ်​လျှောက်ရင်း
​ပြော​နေတာဆို​တော့လည်း
တမင်နားမစွင့်ထားဘဲကို ကြား​နေရသည်။

"ဟယ် ကိုမိုက်ကယ်ကြီးဟ
ဘာများရစ်ဦးမလဲမသိဘူး
ပိတ်ရက်ကြီးကို"

​ပွစိပွစိသာ​ပြောသည်။
သူ့မှာ မကိုင်ဘဲလည်းမ​နေရဲ။
အဲဒါဆိုရင် ဟိုက
management chat group မှာ
ဝင်ပြီး ပွဲကြမ်းမှာ​သေချာသည်။

"ဟယ်လို"

"....."

"ဟုတ် ရှိတယ် ကိုခွန်လတ်"

"....."

"မိနစ်(၄၀)စာအပိုင်း အစ်ကို"

".......?"

"ပြီးပြီ​​​လေ ညီမ​သေချာစစ်ခဲ့ပါတယ်"

".......??"

"ဪ ​သေချာစစ်ခဲ့ပါတယ်ဆိုမှ
အစ်ကိုကလည်း​နော်"

"....."

"ဟုတ် ... ဟုတ်"

ဖုန်းချအပြီးမှာ မမက
စိတ်နည်းနည်းရှုပ်သွားသည့်ဟန်ဖြင့်
မှူးဘက်လှည့်လာသည်။

"နင်တို့ပါပါးက​လေ
ပိတ်ရက်​တောင် လူကို
စိတ်မအားလူမအားဖြစ်အောင်နှိပ်စက်တယ်"

မှူးလည်း ဘာပြန်​ပြောရမှန်းမသိဖြစ်ပြီး
ဒီတိုင်းပဲ သူမကိုပြန်​ငေးကြည့်မိ​နေစဥ်မှာ
သူမရဲ့အပြုအမူတစ်ခုက
မှူးကိုမျက်လုံးပြူးသွား​စေ၏။

အဲဒါက​တော့ သူ့အိတ်ကိုဖွင့်ပြီး
အထဲကစီးကရက်ဘူးကိုယူ
စီးကရက်တစ်လိပ်ကို ဟန်ပါပါ
ထုတ်ယူမီးညှိလိုက်တဲ့ ​​ဒေါ်ဝတ်ရည်ရဲ့ပုံစံပါပဲ။

"အယ့်!"

မှူးခမျာ ဒီလိုအာ​မေဋိတ်​သံသေး​သေး​လေးသာ
ပြုနိုင်ပြီး ဘာဆိုဘာမှမ​ပြောနိုင်ဘဲ
သူ့မမကိုအ​​ငေးသား။