Unicode Version
"တစ်ခါတလေကျ ငါအရမ်းပင်ပန်းတယ်
မိုးမခ
ရပ်လိုက်တော့မယ်လို့ခဏခဏစဥ်းစားမိတဲ့
အထိပဲ"
"ပင်ပန်းတယ်?"
"အင်း ... စိတ်ရော .. လူရောပဲ
ဆိုင်သူရှိပြီးတဲ့လူကို တွယ်တာရတယ်ဆိုတာ
ဘယ်လောက်ထိပင်ပန်းတယ်ဆိုတာ
နင်ခန့်မှန်းမိမယ်ထင်ပါတယ်"
"ငါမေးမယ်နော် စိတ်တော့မဆိုးနဲ့ဟာ
ဒါပေမဲ့ သေချာပေါက်မေးရမှာမို့"
"မလိုပါဘူး နင့်ကိုငါစိတ်ဆိုးတယ်လို့
မရှိသလောက်ပဲဟာ မေးကြည့်လေ"
"တကယ်လို့ မမ ... အင်း ..သူ ..
သူအိမ်ထောင်ပြုသွားရင်
နင်ဘယ်လိုနေမလဲ?"
မိုးမခရဲ့မေးခွန်းအဆုံးမှာ
မှူးတစ်ခဏ ဘာမှပြန်မဖြေနိုင်ဘဲ
ငြိမ်သက်သွားခဲ့သည်။
လူကတည်တည်ငြိမ်ငြိမ်ထိုင်နေပေမယ့်
နားသယ်စပ်နှင့် ဆံစပ်နဖူးပြင်မှာ
စို့ထွက်လာသောချွေးများ၊
အေးစက်လာသောခြေဖျားလက်ဖျား။
သို့ပေမယ့် အမေးရှိလျှင်တော့
အဖြေရှိရပေမည်။
တံတွေးကိုအသာမျိုချ၊
လည်ချောင်းတစ်ချက်ရှင်းလိုက်ပြီးမှ
"ငါအဲဒီမေးခွန်းကို ငါ့ကိုယ်ငါ
ခဏခဏမေးဖူးတယ်
အဖြေ ၂ ခုရှိတယ်
ဒါပေမဲ့ အဲဒီအဖြေ ၂ ခုက
တစ်ခုမဟုတ် တစ်ခုဖြစ်မယ်ဆိုတာမျိုး
မဟုတ်ဘူး
၂ ခုစလုံးဖြစ်မှာ"
"၂ ခုစလုံး?"
"အင်း ... ပထမတစ်ခုက
ငါသူ့မင်္ဂလာပွဲကိုသေချာပေါက်သွားမယ်
သူ့အပြုံးတွေကို ကြည့်မယ်
အလွတ်ရတဲ့အထိကြည့်မှာ
မိန်းကလေးတွေက သူတို့ချစ်တဲ့သူနဲ့
တစ်ဘဝစာလက်တွဲဖို့ လက်ထပ်ရတဲ့အချိန်မှာ
အပျော်ဆုံးပဲလေ
ပြီးတော့ သူတို့ချစ်တဲ့သူရဲ့လက်ကို
တွဲထားရချိန်မှာ အပြုံးတွေကအလှဆုံးတဲ့
အဲဒါကို ငါသေချာပေါက်သွားကြည့်မှာ
ပြီးတော့ ဂုဏ်ပြုစကားပြောပေးမှာ
သူက ကလေးလေးတွေချစ်တတ်တယ်
သူချစ်တဲ့လူနဲ့ ကလေးလေးတွေနဲ့
သူလိုချင်တဲ့မိသားစုဘဝလေးအတွက်
ငါ .. ဂုဏ်ပြုပေးမှာ"
YOU ARE READING
My Hell
RomanceUnicode Version ဖွင့်ဟပြမှ အချစ်လား? နာကျင်ရမယ်မှန်းသိလျက်နဲ့ အဲဒီအချစ်တစ်ခုကို လုံးဝလွှတ်မချခဲ့ဘဲ အဆုံးထိဆက်ချစ်နေနိုင်လား? သူနဲ့ပတ်သက်ပြီး ရရှိခဲ့သမျှကြေကွဲထိရှမှု အစိတ်အပိုင်းသေးသေးလေးကအစ တယုတယ သိမ်းဆည်းထားနိုင်လား? ဒီ Fic လေးမှာတော့ ...... =====...
