My Hell

Part 15(Uni+Zawgyi)

​​​မှူးကို မမစိတ်​ကောက်​နေပြီး
​နောက်တစ်ရက်က ပိတ်ရက်ဖြစ်ပါသည်။
မမက ​ကော်ဖီကြိုက်တာမို့
Facebook မှာ ရှာ​တွေ့ထားတဲ့
​ကော်ဖီဆိုင်ခပ်မိုက်မိုက်​လေးတစ်ခုဆီ
​ခေါ်သွား ​ကော်ဖီတိုက်ပြီး
ပြန်​ချော့မယ်လို့ မှူး​တွေးထားသည်။

သို့​သော်လည်းတဲ့ ......။

​နေ့လယ်ဘက် ထမင်းဆင်းစားရင်း
မမဆီကိုဖုန်းဆက်ကြည့်​တော့
ဖုန်းကလုံးဝဆက်မရ။

"ဘာလဲဟ!
ငါ့ကို blacklist ထဲထည့်ထားတာလား?"

ထူး​တော့ထူးဆန်းသည်။
မမဆီမှာမရှိ​လောက်ဘူးထင်ရတဲ့
​​နောက်ဖုန်းနံပါတ်တစ်ခုနဲ့ဆက်​တော့လည်း
ထိုနည်းလည်း​ကောင်းသာ ဖြစ်​နေသည်။

​နောက်ဆုံးမှာ​တော့
မမနဲ့ အဆက်အသွယ်ရဖို့
​မှူး ​တော်ရုံအသုံးမပြုတတ်တဲ့ app တစ်ခုကို
လက်ကအလိုလိုနှိပ်ပြီးသား
ဖြစ်​နေပါ​တော့သည်။

  ******************************
နာမည်ကြီး Studio တစ်ခုအတွင်း။

"မဝတ်ရည် ကိုခွန်လတ်က ready ပဲတဲ့
ကျွန်​တော်တို့ စဖမ်း​တော့မယ်​နော်"

Audio Engineer (အသံဖမ်းအင်ဂျင်နီယာ)
ရာဇာကလာ​ပြောသည်မို့ သူမကြည့်လက်စ
ဖုန်းကိုချလိုက်ပြီး ....

"အို​ကေ ... ဒါနဲ့
ကိုခွန်လတ်ကဘယ်​နေရာက​ပြောမှာလဲ?
ဒီတစ်ခါ Character ခွဲတာ
(ဇာတ်လမ်းထဲမှ ဇာတ်​ကောင်နှင့်
အသံလိုက်ဖက်မည့်သူကိုရွေးချယ်ခြင်း)
ကျွန်မမဟုတ်ဘူး ရွှေစင်ခွဲတာ​လေ
အာ့​ကြောင့်​​မေးတာ "

"စစ်သူကြီး​နေရာက မဝတ်ရည်"

"အဟင်းဟင်း .. အစ်ကိုရပါ့မလား?
ဟို​နေ့က​ပြော​တော့ အသံနာ​နေတယ်ဆို
အခုသွင်းမှာအပိုင်း ၁၉ ​လေ
အပိုင်း ၁၉ က
ကျွန်မ script ကြိုဖတ်ရသ​​လောက်​တော့
စစ်တိုက်ခန်း​တွေပါတယ်​နော်
အစ်ကိုအသားကုန်​အော်ရမှာ "

"ဟာ .. ရပါတယ် မဝတ်ရည်ရဲ့
ကျွန်​တော်လည်းသက်သာ​နေပါပြီ
ဒီ​လောက်​တော့​အော်လို့ရပါတယ်"

"ရရင်လည်းပြီး​ရော အစ်ကို
​တော်ကြာ​နော် အသံနာသွားမှ
​နောက်အပိုင်း​တွေကျ
ကျွန်မတို့ဒုက္ခ​ရောက်​နေမယ်"