Nocturne Academy: School For The Gifteds (PUBLISHED UNDER PSICOM)

7. 'What's your gift?'

EVERYONE was shocked and amazed at the same time. Who would have thought, na ang babaeng hindi makapag-summon ng familiar ay mayroong isang wyvern as her own?

"A job well done," nakangiting sambit ni Sir Saremo sa akin.

I smiled as I watched Angel. Nakaangat ang tingin ko sa kaniya na nakatayo sa tapat ko. Napahawak ako sa mukha niya na inilalapit niya sa akin.

"Okay, class, now you need to work with your familiars and alamin n'yo kung ano ang ability nila. Most likely, may connection ito sa gifts ninyo."

Nakuha ng sinabi ni Sir Saremo ang atensyon ko. Their ability? May connect sa gift namin?

Napunta ang tingin ko kay Angel na hawak-hawak ko. Malalaman ko kaya ang gift ko sa kaniya?

"Okay, class, start knowing your familiars!" sambit ni Sir.

Everyone started to move; some of them went in the water with their familiars, and some rode their familiars as they ran toward the forest or flew into the sky. Hindi lang dahil sa gusto nilang lumalim ang koneksiyon nila sa mga familiar nila, pero sigurado rin akong gusto nilang subukan kung ano rin ang kaya nilang gawin.

"Nice, you did it," rinig kong sambit ng isang lalaki.

Nilingon ko ang lalaking nagsabi n'on kasama ang familiar niya. The god of thunder's heir is on his way here while his hands are inside his pockets.

I smiled at him as he went toward me. "Yeah, thank you," nakangiting sagot ko rito.

Hinawakan ko ang ulo ni Angel at inilapit niya rin ito sa akin.

"Nah, you're the one who summoned your familiar. I didn't do anything . . ." There's a hint of disappointment in his voice. "And he also helped you a lot."

Kumunot ang noo ko sa sinabi nito. "Hmm?"

"Nothing. Good luck."

Ngumiti muna si Alvis bago niya 'ko talikuran. Nagsimula na siyang maglakad, pero nakakailang hakbang pa lang siya ay lumingon siya uli sa akin na para bang may nakalimutang sabihin.

"I'm also looking forward to knowing your gift," nakangiting sabi niya. Then he continued walking away. I flashed a smile while watching him disappear from my sight.

I also can't wait, Alvis.

Ibinalik ko ang atensyon ko kay Angel. "Show me what you got."

Angel lowered herself for me. Nang maabot ko na ang likod nito ay agad akong sumampa at sumakay. "Let's go."

Naramdaman ko ang pagbuwelo ni Angel at napahawak ako nang mahigpit sa kaniya. Her body is full of scales, kaya medyo naiilang pa ako na hawakan siya. Pero habang tumatagal ay nasasanay na ako at nagawa kong hawakan siya nang matagal. Ramdam ko ang pagtama ng hangin sa balat ko at ang pagsabay ng mahaba kong buhok dito.

Angel is gentle in flying. Siguro ay dahil sa alam niyang nakasakay ako sa kaniya. Hindi ako takot sa matataas kaya walang problema sa akin ang paglipad niya.

"So, what can you do, Angel? Pareho ba tayo ng ability?" bulong ko sa hangin.

Para akong sira na kinakausap ang isang wyvern. Napapaisip lang kasi ako kung ano ang kakayahan niya. Lalo na't maaaring konektado ito sa gift ko.

Nang matapos ang oras ng klase ay agad rin kaming bumalik at naghanda sa susunod na klase. Sabi ni Sir Saremo, dahil daw mayroon na kaming mga familiar ay asahan na naming mayroong mga guild na gustong magsali sa amin. Mayroon din kaming kalayaan na pumili ng guilds na gusto namin.

"Okay, class, bumalik na kayo sa classroom ninyo. Baka nando'n na ang susunod n'yong guro na magtuturo sa inyong i-master ang mga gift n'yo," sambit ni Sir.