Nocturne Academy: School For The Gifteds (PUBLISHED UNDER PSICOM)

34. Reason

IT felt like time stopped. Hindi makapaniwala si Aqua sa nakikita niya ngayon. Nanatili siya sa puwesto niya at hindi magawang makapagsalita. Bago pa man ito makapag-react muli ay kagaya ng una naming pagkikita, parang bulang naglaho na lang sa harapan ko si Zail.

"'Uy, Cleofa!" sambit ng lalaking bagong dating.

Agad tumakbo papunta sa akin si Helix. "T*ngina, o-okay ka lang?!" natatarantang sambit niya.

Dahan-dahan akong tumango sa kaniya. Hindi mawala ang tingin ko kay Aqua na hindi pa rin gumagalaw sa kinatatayuan nito ngayon. "Tara na!"

"BUWISIT kayo!"

Isang malakas na hampas sa ulo ang natanggap nina Helix at Alvis kay Kyera. "Hindi sinusunod ang utos!" dagdag nito.

Tawa lamang ang isinagot ng dalawa. Nandito kami ngayon sa inn kung saan kami nagpapahinga. Ginagamot ni Risca ang mga natamong sugat ni Helix.

Nagawa naming makaalis sa guild ng Trejon nang sama-sama, sa hindi namin malamang dahilan, walang humabol sa amin . . . sa totoo pa nga, parang ang grupo lang nina Lucho at Zeo ang nakaalam na nandoon kami. Mula nang makaalis kami roon ay wala pa ring imik si Aqua.

"Hey, okay ka lang?" sambit ni King nang mapansin na tahimik mula pa kanina si Aqua.

"H-Ha? Ah, oo." Tinapunan ako nito ng tingin bago sumagot kay King. Sigurado akong iniisip niya pa ring si Zail ngayon.

Kahit ako ay hindi mapigilang mapaisip sa kaniya. I mean, iniligtas niya ang buhay ko—twice!

Now that I've seen him close, I'm certain that he was the guy I saw that night . . .

Ang ibig sabihin ba n'on ay hindi talaga masama si Zail? Pero bakit nasa Trejon guild siya?

"Kyera."

Natigilan kaming lahat nang seryosong nagsalita si Jester. Isa pa siya na hindi rin mapakali mula nang manggaling kami sa Trejon guild. He can't look directly at us. Para bang naubusan ito ng dugo dahil sa sobrang pagkaputla niya.

"What?"

"Y-You need to see this."

Tila bumigat ang tensyon sa silid na ito. Ang tanging nagsisilbing liwanag lamang namin ay ang sinag ng buwan na tumatama sa bintana. The dark room made the atmosphere hit differently.

Jester's eyes changed. Tiningnan kong mabuti kung ano'ng kulay ito. It looks like ... A blueprint?

"Ito ang mga nakita ko sa guild nila," sambit niya.

He caught all of our attention. Sa pagkakaalala ko ay inatasan ni Kyera si Jester na maglibot sa guild ng Trejon. Ano kaya ang mga nakita niya?

Parang isang projector ang mata ni Jester nang lumabas dito ang mga litrato. Literal na photographic memory ang gift niya dahil nagagawa niya talaga itong maipakita sa amin.

"We looked outside the guild, but there were no signs of the girls they'd kidnapped," sambit ni King kay Kyera.

Naging seryoso ang ekspresyon ni Kyera dito. Napunta ang tingin namin sa mga litratong ipinapakita ni Jester at naagaw ang pansin namin ng isa.

"What's that?" tanong ni Risca.

It's a huge four pillars. Nakapuwesto ito sa magkakabilang dulo; it makes it look like a square. Sa gitna naman nito ay may mga symbol na nakaukit sa lapag.

"Nakita ko 'yan sa pinakadulong parte ng guild. And it seems like na matagal na nilang binubuo 'yan," sambit ni Jester.

Tiningnan mabuti ni Kyera ang mga simbolo na nakaukit sa lapag nito.