عهدي - علا فائق

الفصل الثاني

مستنية ارائكــم في الفصل💙💙💙💙🌼
#عهدي
                                                                ~~~~~~~
الفصــل الثانـي   "إخــتيـار"                                          ~~~~~~~~~~~~~~~

"بمـوت يا كـارما قلبي بيوجعني أوي "
قالتها وهي تشهق بقوه من شدة البكاء

ربتت "كـارما"علي ظهرها و "عهد" داخل أحضانها تنتفض بقوه من بكائها ،، قائله بحـزن لحالة صديقتها :-

إهدي يا حبيبتي ،، أنا مش هاقولك إنتِ غلطانه او لا ،، بس اللي أعرفه اللي ياخد قرار يتحمل مسؤليته .. إنتِ خدتي قرارك و قررتي إنك تبعدي يبقى مترجعيش في كلامك وخصوصًا إنك دخلتي حد تالت ..

رددت "عهـد" بنبره نادمه وهي تتذكر ما حدث :-

نظراته ،، صدمته ،، كلامه .. بيقطعوا في قلبي يا كـارما ،، كان مكسور أوي ،، أنا مش عايزاه يتوجع بسببي يا كـارما ،، حسرته لما شاف الدبله وجعتني

أمسكت "كارما" كتفي "عهد" و أردفت بجديه :-

إنتِ بتحبيه يا عهـد

اومأت بالرفض و دموعها تهطـل بغزاره ،،نظرت لها "كارما" بشك و استئنفت حديثها بنفس النبره :-

شوفي يا عهد ،، أنا شايفه اللي بتعمليه دا غلـط ،، اللي إنتِ فيه دا حاجه من إتنين يا بتحبيه ودي في حد ذاتها مصيبه ،، شوفي إنتِ عايزه ايه هاتختاري ايه هتختاري بقلبك هاتبقي مسؤله عن اى حاجه هاتحصل بعد كدا ،، عايزاكي تحطي حاجه في دماغك ،، أن مش كل اللي بيختارهم قلبنا هما الصح ،، ساعات قلبنا بيختار ناس غلط بتستغل الحب دا في إنها تدوس على الطرف التاني لأنها ضامنه وجوده بيستنزفوا طاقتنا ومشاعرنا وروحنا بيوصلنا لمرحله إننا نكرهه نفسنا ،، ونكرهه الحب اللي عمل فينا كدا ،، بنكرهه قلوبنا اللي ذلتنا وكسرتنا .. الحـب حلو بس لما نختار ناس صح ،، الناس اللي تحببنا في الحياه مش توصلنا للإنتحـار ،، الناس اللي تغلينا مش تحسسنا اننا معلش في جذمتها ،، الناس اللي وشنا ينور معاهم مش ننطفي ونمرض ،، الناس اللي تريح قلوبنا متوجعهاش ،، الناس اللي تدي من غير مقابل مش الناس اللي بيبخلوا بمشاعرهم على اللي بيحبوهم أو حتي مشاعرهم بتبقى بمقابل ،،،،، أو هتختاري بعقلك يمـكن في الأول ميبقاش في حب بس مع مرور الوقت والعشره الطيبه والاحترام والموده والرحمه الحب بيتولد وأحسن حاجه في الحب دا الأحترام والثقه المتبادله اللي بتخلي العلاقه تنجح يمكن أكتر من الجواز عن حُب ،، بس عشان اللي الأتنين ينجحوا لازم تختاري صح دا الفيصـل ،، الأختيـار بين ايديكي يا تختاري بقلبك و ساعتها تسيبي مازن و تبقى مسؤله عن اللي هايحصل بعد كدا ،، يا تختاري بعقلك وتمسحي عاصم من حيـاتك وإحساسك بالذنب تموتيه ؛؛ عشان ميجبركيش تعملي حاجه تندمي عليها ،، دا قلبك و إنتِ حره فيه بس لازم تتحملي نتيجة قرارك ......!!