" Kong ... P'Earth တော့ အိမ်ကို PhiChit ဘက် ပြန်ပြောင်းဖြစ်မယ်နဲ့ တူတယ် "
PhiChit ? အခုပဲ ပြန်လာခဲ့တဲ့ နေရာမလား ?
Earth က ထိုင်ခုံမှာ ဝင်ထိုင်ရင်း ပြောလာတော့ Kongpop နဲ့ Jeer ပါ အတူ လိုက်ထိုင်ဖြစ်တယ်။
" ဘာလို့ အဲ့အထိလဲ P'Earth ? ဒီမှာ လုပ်ရင်ရတာပဲဟာ.. P'Jeer ကိုပဲ သွားရင် သွားခိုင်း "
Jeer က Kongpop ကို စာအုပ်နဲ့ လှမ်းရိုက်ဖို့
ရွယ်နေတာ မြင်နေတဲ့ Earth က ခပ်တိုးတိုး ရယ်ရင်း Jeer လက်ထဲက စာအုပ်ကို လုလိုက်ကာ
" Jeer က ဒီမှာ နေခဲ့ရမှာ။ သားကသာ P' ကိုအခြေကျတဲ့အထိ လိုက်ကူပေး "
" နိုင်ငံခြားမှာ သွားနေတုန်းကတောင် ဘယ်သူမှ ဘာမှ လိုက်ကူမလုပ်ခိုင်းဘဲနဲ့ အခုကျတော့ ထူးထူးဆန်းဆန်း P'Earth က "
Kongpop ရယ်ကျဲကျဲနဲ့ ပြောတဲ့ စကားကို Jeer ကပါ ခေါင်းညိမ့်ထောက်ခံတဲ့ပုံနဲ့
" အဲ့မှာ ဆရာဝန်လည်း အလုံအလောက်ရှိတာပဲဟာ .. ပြီးတော့ P' အတွက် တက်လမ်းမ
မြင်ပါဘူး အဲ့မှာဆို။ ဘာလို့ ပြန်သွားမှာလဲ ?"
" ... "
" ကျွန်တော်လည်း အဲ့နေရာကိုဆိုရင်တော့
လိုက်မကူချင်ဘူး "
တခြားနေရာသာဆို လိုက်ကူပေးဖြစ်ဦးမှာ။
ခု P'Earth သွားမယ့်နေရာက ကိုယ်ကိုယ်တိုင် P'Arthit ရှေ့မှာ နောက်တစ်ခါ
လာမရှာဘူးဆိုပြီး ပြောခဲ့တဲ့နေရာဖြစ်နေတော့... ။
ဒီတစ်ခေါက်တော့ ကိုယ့်ကို ရှောင်ဖို့ ပြောင်းပြေးသွားကြရမယ့်အဖြစ်မျိုးလည်း ထပ်မဖြစ်စေချင်တော့ပါ။ စိတ်ထဲမှာ တင်နေတဲ့ ဆပ်စရာ အပြစ်ကြွေးလည်း သင့်တော်တဲ့နည်းသုံးကာ ဆပ်ပြီးပြီးမို့ ထပ်သွားမပတ်သက်ချင်တော့။
" အဲ့ကို သွားကို သွားမှရမှာ။ အဲ့မှာ P'Earth အကြွေးဆပ်ရမယ့်သူတွေရှိနေတယ် သား .... P' ကို လိုက်ကူညီပေးပါနော် "
သေပါတော့ !!!
ဘာလို့ ကိုယ်တွေ မောင်နှမတွေက PhiChit က လူတွေနဲ့ အကြွေး မကင်းနိုင်ရတာလဲ ?
Jeer က မျက်လုံးပြူးမျက်ဆံပြူးနဲ့
" ပိုက်ဆံတွေ ဒီလောက်ပေါတဲ့သူက အကြွေးကျန်ရတယ်လို့ "
YOU ARE READING
I want even your name , Arthit ( mpreg )
FanfictionCompleted / Start Date - March 5, 2018 အရမ်းချမ်းသာပြီး မောက်မာတဲ့ သူဌေးသားတစ်ယောက် နဲ့ သူဌေးသားရဲ့လက်က လွတ်ချင်လို့ မြို့ကနေ ထွက်ပြေးလာတဲ့ ကိုယ်ဝန်ဆောင်အမျိုးသား တစ်ယောက်...။ ထိုနှစ်ယောက်ကြားထဲက ဖြစ်တည်မှုလေးတစ်ခုက သူတို့နှစ်ယောက်ကို ပြန်လည်ပေါင်း...
