မောင်..သိပါစေ ( Unicode )

Part (17)

မောင်...သိပါစေ

🌸pann

Part (17)

" ဘာတွေလဲ ဒီပုံတွေက မောင်နဲ့ ဒီကောင်မလေး က ဘာတွေလဲ  ဘာလို့ဒီလောက် ပူးကပ်နေရတာလဲ  .. "

ပုံတွေ ပို့ထား တဲ့ ရက်စွဲ ဒိတ်လေးကြည့်တော့ မောင် မအားလို့ မလာနိုင်ဘူး ဆိုတဲ့နေ့က...။

သေချာပါတယ်.. အဲ့နေ့ရက်စွဲ ဒိတ်ကို လက် သေသေချာချာ မှတ်မိနေတာ..။

သူ လာမတွေ့နိုင်တာ သူ မအားတာ..ဒီကောင်မလေး နဲ့ တွေ့ဖို့လား..မောင် ။

သူက ဘယ်သူလဲ ရိုးရိုးခင်ရင် ဒီလိုအကြည့်ချင်းတွေ မဆုံဘူး .. ရိုးရိုးခင်ရင် ဒီလို အကြည့်တွေနဲ့ တစ်ယောက်နဲ့တစ်ယောက် ကြည့်မနေဘူး..။

မောင်..သူနဲ့ အတူ ရှိနေလို့ မ နဲ့မတွေ့နိုင်တာလား..။

မ က မောင့်အတွက် ဘယ်နံပါတ်မြောက်လဲ..မောင်..။

မ က မောင့်အတွက် အရေးရော ပါရဲ့လား..

မကို ဘာတွေ လျှိ ု ထားတာလဲ..

မောင် မကို အရမ်းသဝန်တိုပြတတ်တာ..မကို သိပ်ချစ်တဲ့ ပုံပြတတ်တာ အစစ်ရော ဟုတ်ရဲ့လား..မောင် ။

မောင့်ရဲ့ လုပ်ကွက် တစ်ခုပဲလား..မကို မလိမ်နဲ့..မ လိမ်တာ မကြိုက်ဘူး...အထူးသဖြင့် မောင့်ကောင်မလေး တွေနဲ့ ပတ်သက်ပြီး မ ကို ပိုတောင် မလိမ်သင့်ဘူး..အမှန်တကယ် မ ကို ချစ်ရင် ပေါ့..။

မောင် မကို မချစ်လို့...
မောင် မကို အလေးမထားလို့..ဒီကိစ္စ တွေကို လျှိ ု ထားခဲ့တာပေါ့..။

ဒီကောင်မလေး ကလည်း မ ကို သိနေတာလား...မောင် တို့ မ နောက်ကွယ်မှာ မ အကြောင်း တွေ ပြောပြီး ဟားတိုက်နေခဲ့ကြတာလား..မ အချစ် ကို လှောင်ပြောင်နေခဲ့တာလား..မောင်ရယ်..။

ဒီကောင်မလေး က မ ထပ် ပိုချောပါတယ်.. ပိုလှပါတယ်...ဒါပေမယ့် သူ မောင့်ကို ချစ်တာ မ ထပ် သာမှာ မဟုတ်ဘူး မောင်..။

ဒါတွေ မောင်သိရဲ့လား..

မက မောင့်အတွက် ဘာလဲ..

ခဏ ကစားတဲ့ အရုပ်လေးလား..မောင်..

မောင် ပျော်ရင် ကစားပါ..မ ကိုရော မ နှလုံးသား ကိုရော မ ခန္ဓာ ရော..မောင် ပျော်သလို စီမံပါ..။