شيخ قلبي

الجزء الخامس والعشرين

جلس مصطفى علي الرصيف ثم وضع رأسه بين يداه
قائلا بانهيار " أبوك و أمك كسروا ضهري يا زين كسروني و ذلوني قدام الكل خلوني ماشي راسي في
الأرض علشان ما اشوفش نفس النظرات اللي بتدبحني
سبعة و عشرون سنة بحاول ابني الإحترام لنفسي

و في لحظة ابوك ضيع كل حاجة في لحظة رجعتي لصفر

جلس زين بجوار  و حاول يخفف عنه بحنان و حزن
قائلا " ما عاش ولا كان اللي يكسر ضهرك يا شيخنا
طول ما اخوك الكبير في نفس وحي عمر ما حد يقدر
يكسر ضهرك انا ضهرك و سندك انا ابوك و امك و اخوك

مد يده و مسح دموع مصطفى و اخفض راسه و قبلها
بحنان "" صدقني يا مصطفى عمري ما حبيت حد قدك
حتي امي و ابويا عمري ما حبيتهم قد ما حبيتك زعلك
زعلي و المك المي و عزة جلال لله ما هسمح لحد يكسر ضهرك ولا يخلي راسك في الارض

انت راسك مش مكانها الأرض يا شيخنا مكانها السما
فاهم يلا فاهم خلي اللي يتكلم يتكلم تغور كل الناس في داهية ولا يهمك يا مصطفى  محدش ليه حاجة عندك

رد مصطفى بسخرية"" متهيألك كلام الناس مايهمش
حياتي كلها واقفه علي كلام الناس ده يا زين شغلي
راحتي  كرامتي  و مستقبلي كله متوقف علي كلام الناس 

ابتسم بسخرية قائلا "" فاكر اليوم اللي جيت و عرفت
ان فاطمة عندي وقتها قلتلي كلمة يا زين لحد دلوقتي بترن في رأسي تكتب إبني علي إسمك ليه انت عندك إسم يا مصطفى حسيت وقتها كان حد  ضربني  بخنجر في نص قلبي يا زين

مع انك عارف اني مقدرش اكتب أبنك علي عشان حرام وقتها بس عرفت ان أحلامي البسيطة اللي كنت بانيها في اني اكون عيلة

و انسي كل الماضي وما فيه و اولادي يكونوا
عيلتي اللي اتحرمت منها وانا عايش وحيد
بس بعد كلامك اخدت كف قوي فوقني

انا ما عنديش اسم اصلا علشان اديه ليهم معنديش نسب علشان اولادي يخدوا يعني من الاخر عايش وحيد و ميت وحيد

زين بغضب " خلاص اخرس بلاش كلام فاضي ما اهو معاي اسم عيلة يهز أكبر شنب في مصر مناصب و مال و نسب شيفني ايه
يعني قدامك ضيعت كل حاجة من ايدي بغبائى و أولهم انت

مصطفى بسخرية من نفسه " اديك قلت ضيعت كل حاجة بايدك لاكن انا مافيش
في ايدي حاجة علشان اكسبها او اخسرها

وقف و استدار يمشي آتاه صوت زين وهو يناديه قائلا " رايح فين لحظة طيب نسيت
الاوراق بتاعتك

أشار له مصطفى بلا أهمية قائلا " احرقهم
معدش ليهم لازمه

زين بغضب لنفسه " بسيطة يا بابا والله لنشوف انا ولا انت مية مره اقولك مصطفى خط أحمر
____________

                     في منزل زين

دلف زين بغضب و عفاريت الدنيا تلعب أمام وجهه و اخذ يصيح " بابا بابااااااا