شيخ قلبي

الجزء السادس و العشرون

دفعها مصطفى بعيد عنه بغضب و استدار لجهة
الآخرة يمسح وجهه بتوتر و غضب

شعرت فاطمة بخجل شديد جعل عيناها تدمع و صوتها يضعف وهي تتحدث بحزن و تردد قائلة بصوت مختنق " اانت زعلت مني لما بعدتك عني وعلشان كده بتتجاهلني بس انا والله ما كان قصدي اهينك او اجرحك

مصطفى بضيق و توتر " خلاص يا فاطمة انا
مية مره أقولك انا اللي غلط مش انتي ومش زعلان منك ده رد فعل طبيعي و متوقع لانك لسه تحت تأثير الصدمة و خلاص خلصنا ولو سمحتي اللي حصل ده ما يتكررش تاني

كان بتحدث وهو يغلق أزرار قميصه بغضب من نفسه قبل أن يكون منها اغلق قميصه ثم أمسك
ثيابه و كاد يخرج ليوقف صوتها المرتعش قائلة
"؛ااانا بحبك يا مصطفى "؛ استدار بصدمة

هزت فاطمة راسها قائلة ببكاء " اه بحبك يا شيخ
والله ما استحمل ابعدك عنك يا مصطفى وما اقدرش اتحمل زعلك مني و بعدك عني والله منعت نفسي عنك كتير اني ما احبكش

أشارت إلي قلبها وهي تتحدث  و تبكي

لاكن قلبي ما طاوعنيش حذرته كتير والله حولت امنع نفسي أحبك بس ماقدرتش امنع قلبي يحبك ازاي وانت حميتني و كنت لي السند و العون في ظل أن تخلو عني كل أهلي و هربت
و لقيتك انت
انا عارفه انا ما استاهلكش و...وان انت شيخ مش هتقبل ببنت مش عذراء و برضو مش هتقبل بي علشان اخوك و كمان علشان حامل بس برغم من كل ده حبيتك غصب عني

كان مصطفى يقف يستمع إلى كلامها بجمود
أبتسم بسخرية قائلا بألم " صدقيني مش انا يا فاطمة مش انا اللي يستاهل حبك انتي قولتي نص الأسباب بس انتي مش عارفة الباقي انا قبل

ما أشوفك اصلا كنت مقرر انا ماتزوجش ولا اخلف أولاد علشان ما يعشوش طول عمرهم يتذلوا بابوهم مش عايز أولاد تكرهني لما تكبر علشان حاجة انا مليش ذنب فيها
صدقيني المشكلة في مش فيكي المشكلة في و في الظروف انتي لسه ما تعرفنيش انتي بس

شوفتي اهتمامي بيكي حسسك انك بتحبيني
لاكن وقت اللي هتعيشي الواقع هتكرهي اليوم
اللي حبتيني فيه لما تبقي عايز طفل وانا امنعك مش هيعجبك لما الكل يعايرك بجوزك اللي ابن حرام مش هتحبي ده ابدا مش هتستحملي بعد مده  لما فلوسي تخلص وانا مش لاقي شغل

علشان محدش بيقبل يشغل واحد زيي مش هتقدري تعيشي كده وانتي بنت عز و فوق كل ده مش هتستحمليني انا لما كل الهموم و التعب ده يبقي فوق راسي مش هكون الجوز اللي كل بنت تمناه انا واحد اتخلقت علشان أعيش وحيد و أموت وحيد
ما تفكريش بعطفتك شوفيني انا قدام عايزة ابنك يعيش نفس مصيري عايزة الكل يذله انو ابن حرام احنا في مجتمع مش بيرحم والله العظيم أبنك لو كبر من غير اسم ابوه الحقيقي
هيضيع و هيكرهك لان انتي في نظره السبب