My Crush thinks I'm in love with his niece (Completed) U+Z

Chapter-2

နွေဦးရဲ့ကျောင်းသုံးလပိတ်ချိန်မှာ မင်းသန့်တို့အိမ်​ပြောင်းခဲ့ကြတယ်။ဖေ​ဖေနဲ့မေ​မေကသူတို့အခန်းကိုသူတို့စိတ်ကြိုက်အလှဆင်​နေချိန်မှာ သူဟာအိမ်ထိန်းရဲ့လက်ထဲမှာနေခဲ့ရတယ်။ဒါကသူနဲ့မစိမ်းလှ။
မိဘနှစ်ပါးကမင်းသန့်ကို ဂရုစိုက်ဖို့ထက်သူတို့ကိစ္စကိုသာအ​လေး​ပေးကြသူများဖြစ်တယ်။

အိမ်ထိန်းကြီးကသစ်ကိုင်းနဲ့ငြိ​နေတဲ့စွန်​လေးကို
မယူပေးဘဲအသစ်သွားယူမယ်ဆိုပြီးထွက်သွားခဲ့တယ်။ မလိုချင်ပါဘူး။ဒီစွန်​​လေးကိုသူအရမ်း
သ​ဘောကျတာတစစီပျက်ဆီးသွားရင်​တောင်
သူမရရ​အောင်သိမ်းထားမှာ။အဲ့​နောက်မှာသူ့စွန်​လေးရှိတဲ့​သစ်ပင်ကိုအတင်းတွယ်ကပ်ခဲ့တယ်။
သူအဲ့ဒီစွန်​လေးကိုမမှီခဲ့သလို ​အောက်လဲမဆင်းရဲခဲ့ဘူး။တော်​တော်​လေးကြာတဲ့အခါသစ်ပင်​အောက်ကို ဂါဝန်အဖြူ​လေးနဲ့ကောင်မ​လေးရောက်လာခဲ့တယ်။ ဆံပင်နှစ်ဖက်ကိုကျစ်ဆံမြီးကျစ်ထားပြီးဝက်ဝံရုပ်လေးကိုပိုက်ထားတယ်။သူမကသူ့ကိုသနားဖွယ်
အကြည့်နဲ့ကြည့်​နေခဲ့တယ်။ဒါနဲ့သူမရဲ့အကြည့်​တွေက အရမ်းမုန်းဖို့​ကောင်းတာပဲ ။

"ဆင်းလာခဲ့​လေ မဆင်းရဲဘူးလား"ခနဲ့တဲ့လေသံနဲ့ သူမပြောလိုက်တယ် ။

"နင်ငါနဲ့သိလို့ စကားလာ​ပြော​နေတာလား "
မင်းသန့်လည်းသစ်ပင်ကိုကုပ်တွယ်ရင်း
ခပ်တည်တည်နဲ့ပြန်​ပြောလိုက်တယ်။

" သိသိမသိသိ နင်အခု​တက်​နေတာ ငါ့အိမ်က အပင် ခုချက်ချင်းဆင်းလိုက်"သူမကတကယ်ကို ရိုင်းတာပဲ။

​မင်းသန့်ခဏခဏဆော့ပြီးဒဏ်ရာရတတ်​လေ့
ရှိ​ပေမယ့်ဒီတစ်ခါခုန်ပြီးဆင်းရင်ဒဏ်ရာပြင်းမယ့်ပုံ ​ပေါ်တယ်။မြေပြင်​ပေါ်မှာ​ဆော့ရင်းဒဏ်ရာရတာမဟုတ်ဘဲခုန်ချပြီးရမယ့်ဒဏ်ရာဖြစ်ပြီးမ​တော်ကျိုးပဲ့မှာဖြစ်တယ်။သူမမဆင်းခိုင်းရင်​တောင်
သူ့ဘာသာသူဆင်းမှဘဲရမှာ။သူဘယ်​နေရာမှာ
ဘာလုပ်​နေလဲအထူးတလည်စိတ်ဝင်စား​ပေးမယ့်သူမရှိ​။

မျက်လုံးကိုစုံမှိတ်ကာခုန်ချလိုက်တယ်။ ​
မြေပြင်ကိုခြေ​ထောက်နဲ့ထိလုနီးပါးဖြစ်​ကာ ​
ခြေ​ချော်မလိုဖြစ်နေစဥ်မှာပဲဟန့်တားခံရပြီး
သူရပ်တန့်သွားခဲ့တယ်။ ​သူ့လက်ကိုတင်းတင်းဆုတ်ကိုင်ကာထွေး​ပွေ့မှုတစ်ခုကသူ့ကိုကြိုဆိုလိုက်တယ်။သူအရမ်းလန့်သွားခဲ့တယ်။အားကိုးတကြီးနဲ့ တစ်ဖက်ကလူလက်​မောင်းကိုမလွတ်တမ်းဆုတ်ကိုင်ထားခဲ့တယ်။ ရုတ်တရက်ဆိုသလို မွှေးလိုက်တာ ။