My Crush thinks I'm in love with his niece (Completed) U+Z

Chapter-23

ဖေ​ဖေကသူ့ကိုလက်လှမ်းပြ​တော့ သူ ​အပြေး​လေး
သွားလိုက်တယ် ။

မ​တွေ့ရတဲ့ နှစ်​တွေမှာ ​ဖေ​ဖေ သိသိသာသာ ကျသွားတယ် ။ အ​ရေးအ​ကြောင်း​တွေရယ် ​အ​ရောင်မဆိုးဘဲ
ဒီတိုင်းထားတဲ့ သူ့ရဲ့ ဆံပင်ဖြူ​ဖြူ​တွေကို သူကြည့်မိ​တော့ ​​တွေးမိတယ်

" ​ဖေ​ဖေ​တောင် အသက်အရွယ်ရလာပြီပဲ "

​မေ​မေ့ရဲ့လက်​နွေး​နွေးတစ်စုံက သူ့လက်ဖဝါးကို
လာကိုင်​တော့ သူ ​ပြေးဖက်လိုက်တယ်

အရင်လို မိတ်ကပ်​တွေ သိပ်မလိမ်း​တော့ပဲ ခပ်​ဖျော့​ဖျော့ နှုတ်ခမ်း​လေးကို အ​ရောင်ခြယ်ထားတဲ့ သူ့​မေ​မေက​တော့ သိပ်ပြီး​ပြောင်းလဲမှု မရှိပါဘူး

သူ့ရဲ့လက်တစ်စုံက ​မေ့​မေ့ကို​ပွေ့ဖက်ထား​ပေမယ့် မျက်လုံး​တွေက​တော့ တစ်စုံတစ်​ယောက်ကို
ရှာ​ဖွေ​နေ​တယ်

သူ့ပစ္စည်း​တွေကို ​ကားထဲမှာ ​နေရာချသွားပြီးတာ​​တောင် သူ အဲ့နားမှာပဲ ရပ်​နေတုန်း ......

ဒီ​​လိုနေ့မှာလည်း သူရောက်မလာခဲ့ပြန်ဘူး....

" ​ဖေ​ဖေ ကားမှန်ဖွင့်​မောင်းရ​အောင်..."

လွန်ခဲ့တဲ့ ၄ နှစ်တုန်းကထက် ဒီ​နေရာက ပိုပြီး
​သေသပ်သွားတယ် ကားပါကင်​တွေ ​ဖြောင့်ဖြူး​နေတဲ့လမ်း​တွေ ပိုများလာတဲ့ ဆိုင်ခန်း​တွေရယ် ​

သူ့ရဲ့ ဦး​နှောက်ကအခုချိန်ထိ ဒီနားမှာဖြတ်​ပြေးခဲ့တဲ့
သူတို့နှစ်​ယောက်ရဲ့ အမှတ်တရ​တွေကို အ​သေးစိတ် မှတ်မိ​နေတုန်း....

အဲ့​နေ့က သူက​​လေ သူ့လက်ကို ဆုတ်ကိုင်ပြီး
နှစ်နှစ်ခြိုက်ခြိုက် ပြုံး​နေခဲ့တာ

ကျွန်​တော် မြင်ဖူးသမျှ အပြုံး​တွေထဲမှာ အ​တောက်ပဆုံး
အပြုံး​တွေ​လေ ။

ငါလည်း မင်းကို ထပ်တူမြတ်နိုးရပါတယ်တဲ့ ။

အခု​တော့ သူ့လက်နှစ်ဖက်ကို တင်းတင်းဆုတ်ကိုင်ရင်း
မျက်လုံးနှစ်ဖက်ကို တင်းတင်းပိတ်ထားမိတယ်

လွန်း ​ပြောသလိုမျိုး ကျွန်​တော် ကိုယ့်ကိုကို ​​
လျော့ချလိုက်တဲ့အခါ အရာအားလုံးက အဆီးအတား မရှိဝင်​ရောက်လာပါလား......