My Crush thinks I'm in love with his niece (Completed) U+Z

Chapter-9

🎶အသည်းကွဲတယ်ဆိုတာ အရူးလိုပဲလား
အရူးလိုပဲလား အသည်းကွဲတယ်ဆိုတာ 🎶

သီချင်းကိုနား​ထောင်မိရင်းရုတ်တရက်ဝေ့တတ်လာတဲ့  မျက်ရည်​တွေကိုမကျ​အောင်မနည်းထိန်းထားရတယ်။

ဒီသီချင်းကိုကျော်ပေးရင်​ပေး ဒါမှမဟုတ် ပိတ်​ပေးဖို့
အ​ရှေ့ကလူကိုအချက်ပြဖို့ ကားမှန်ကိုလှမ်းကြည့်​တော့ ​မောင်း​နေတဲ့သူရဲ့အကြည့်​တွေက သူ့​ဘေးက ​ဆံပင်​ရှည်ရှည်​လေးနဲ့ ကောင်မ​လေးကို ​ငေးကြည့်​​နေတယ် ။

​ကောင်မ​လေးကအဲ့သီချင်းကိုကြိုက်ပုံရတယ်
သူတစ်ချက်ချက်လိုက်ညည်းတာကိုကြားမိတယ်။ 

မင်းသန့်​ဘေးမှာ ​မေမီထွဋ်က နားကြပ်တပ်ပြီး မျက်လုံးကိုမှိတ်ထားတယ် ။ သူနဲ့မျက်နှာချင်းဆိုင်ဖို့ထက် သူ့အတွက်စိတ်မ​ကောင်း​နေတာဖြစ်ဖို့များတယ် ။

ကားမှန်ကိုရိုက်ခတ်​​နေတဲ့မိုး​ရေစက်​တွေက သူ့ မျက်ရည်နဲ့အပြိုင်တစက်စက်ကျ​နေတယ် ။

သူအိမ်မြန်မြန် ပြန်​ရောက်ဖို့ဆု​တောင်း​နေတယ်
ဒီ မ​ကောင်းတဲ့ ခံစားချက်​နေ ရုန်းထွက်ချင်​နေပြီ ။

သူ ဆု​တောင်းမပြည့်ခဲ့ပါ ။သူတို့အိမ်အပြန်လမ်းက ​ကော်ဖီဆိုင်​လေးရှေ့မှာ ဦးထွဋ်က ကားကိုပါကင်ထိုးလိုက်တယ် ။

သူနဲ့မေမီထွဋ်နဲ့ ​ကော်ဖီဆိုင်ထဲဝင်ပြီး​နေရာယူပြီးသည်အထိဦးထွဋ်တို့ရောက်မလာ​သေး ။

​နောက်​တော့ ထီးတစ်​ချောင်းကို နှစ်​ယောက်​ဆောင်းပြီး  ​ပြေး၀င်လာကြတယ် ဒါမဲ့ ထီးက ပိုပိုသာသာ သူ့​ဘေးက ​ကောင်မ​လေးဆီမှာ​ပေါ့ ။

လက်တစ်ခုလုံးစိုရွှဲ​​နေတဲ့ ဦးထွဋ်ကိုတစ်သျူး သူလှမ်းမ​ပေးခင်မှာပဲရေစင်​လေး​တွေထိရုံသာထိ​ခဲ့တဲ့သူမရဲ့ လက်ကိုအလျင်စလိုသုတ်​ပေး​နေတယ် ။ 

ဦးထွဋ်ခင်ဗျားလဲစို​ရွှဲနေတယ်​လေဗျာ.....

မိုးရာသီရယ်ပူပူ​နွေး​နွေးကော်ဖီခွက်​​လေးရယ် ဆိုင်ရဲ့ အပြင်အဆင်ရယ် အားလုံးက ဘာမှ ​ပြောစရာမရှိ​လောက်​အောင်ပြည့်စုံ​နေ​ပေမယ့် သူက​တော့ရင်ထဲမှာဟာတာတာနဲ့ရယ်....