My Crush thinks I'm in love with his niece (Completed) U+Z

Chapter-16

ဇွန်းသံ ခရင်းသံ​တွေ ရယ်သံ​တွေနဲ့ ပြည့်နှက်​နေတဲ့ အခန်းမှာ ​ကျောက်ရုပ်လိုပဲ ထိုင်​နေမိတယ်

" ​အဲ့​တော့ ​ဖေ​ဖေနဲ့လုပ်ငန်းပိုင်းဆိုင်​တွေကို
သားကစတင်ပြီး​လေ့လာ​တော့မယ်​ပေါ့ "

အသားညိုညိုနဲ့ ​ခေါင်းတစ်ခုလုံးဖြူ​နေပြီး သ​ဘော​ကောင်းပုံရတဲ့ ​ဖေ​ဖေ့ သူငယ်ချင်းက သူ့ကိုမေးခွန်း​တွေ​မေးလိုက် ​ဖေ​ဖေနဲ့ စကား​ပြောလိုက် ဧည့်ခံလိုက်နဲ့

ဒီတစ်ခါတော့ သူ့အ​ဖေက ဘယ်သွားသွား ပွဲလယ်တင့်​စေတဲ့ သူ့အ​မေကိုထားခဲ့ပြီး သူနဲ့သာလာခဲ့တယ်

သူ့အ​ဖေက သူ့ကိုလူ​တွေအလယ်ချပြလို့ရပြီဆိုတဲ့
အ​တွေး၀င်လာခဲ့ပြီ  ။

​နေ့တိုင်းလိုလို သူ့ လုပ်ငန်း​တွေအ​ကြောင်း သူ့ မိတ်​ဆွေ​တွေနဲ့ မိတ်ဆက်​ပေးတက်ပြီး ဒီ​နေ့ သူ​ရောက်​နေတဲ့
​အိမ်က​တော့ အ​ရေးကြီးတဲ့ ပုံပဲ ။

" kiss-me ပန်းတွေကို သ​ဘောကျတာလား "
လွန်းရဲ့ အသံကိုကြား​တော့ သူ​နောက်လှည့်လိုက်တယ်

သူမက ​ခြေသလုံးထိ ဖုံးတဲ့ ဂါ၀န် ပန်းနု​ရောင်​လေးကို ၀တ်ထားပြီး ​ဒေါက်အမြင့်​လေးကို စီးထားတယ်

အနီ​ရောင်ဖဲပြားကြိုး​လေးနဲ့ သူမရဲ့ဆံပင်​တွေကိုချည်​နှောင်ထား​ပေမယ့် ​လေတိုက်တဲ့အခါမှာ နားထင်နားကဆံနွယ်စလေး​တွေက သူမ မျက်နှာ​ပေါ်ကို ဖြည်းဖြည်းချင်း ထိ​ခက်နေတယ် ။

သူမက အဲ့ဒီဆံနွယ်မျှင်​လေးတွေကို ​နား​နောက်ကို
သွင်းလိုက်ရင်းသူ့ကို ပြုံးပြ​နေတယ်။

ဒီတိုင်း​နေရင်​တောင် သူ့မရဲ့ ပါးချိုင့်​လေးက ထင်း​နေပြီးသူမပြုံးလိုက်တဲ့အခါတိုင်းမှာ​တော့ ပါးချိုင့်​လေးက သိသိသာသာအထဲကို ခွက်၀င်သွားတယ်

" အာ နင် အရမ်းကို အရပ်ရှည်လာတာပဲ "

လွန်းက လက်ကိုမင်းသန့်ခေါင်းထိပ်မှာ မထိ​အောင်တင်လိုက်ရင်း သူမနဲ့ယှဥ်​နေတယ်

" အရင်က နင်ငါ့ထက်ပုတယ်​လေ "

သူ့ရဲ့ အရင်က ဆိုတဲ့ မှတ်ဥာဏ်​ထဲမှာ သူမ မပါ၀င်​​ပေ။ သူမက သူအရင်​နေခဲ့ဖူးတဲ့ အိမ်နားက သူငယ်ချင်းတစ်​ယောက် အဖြစ်ပဲ မှတ်မိတယ် ။