My Crush thinks I'm in love with his niece (Completed) U+Z

Chapter-7

လက်က​နေတစ်စက်ချင်းကျ​နေတဲ့ ​သွေးစက်​တွေကို ​
ဂရုမစိုက်ပဲမှန်တံခါး အပြင်ဘက်က​နေ ​​ပေါ်လာမယ့် အရိပ်က​လေးကို ​စောင့်​​နေမိတယ်။ 

သူ့အ​​ရှေ့မှာ​တော့ကျောင်းအုပ်ကသူ့အတန်းပိုင်နဲ့ သူ့ကို ကြည့်ပြီးစကား​တွေပြော​နေကြတယ် ။

သူ့ ဘယ်ဘက်အခြမ်းမှာ ​သူ့လိုပဲ ​ယောင်ကိုင်း​​နေပြီး ​အော်ညည်း​နေတဲ့အရူး​ကောင်တစ်ချို့နဲ့ အဖြစ်သည်း​နေတဲ့ မိဘတစ်စု ။

သူ့ ညာဘက်အခြမ်းမှာ​တော့ ​"မေမီထွဋ်" က ​ခေါင်းငုံ့ပြီး လက်နှစ်ဖက်ကို တင်းတင်းဆုပ်ထားကာ ထိုင်​​နေတယ် ပြီး​တော့ ​ဘေးမှာ သူမကိုအရိပ်တကြည့်ကြည့်နဲ့ ကျွန်​တော့်ရှားရှားပါးပါးသူငယ်ချင်း။

​မေမီထွဋ်ကကျွန်​တော့်​ဘေးထိုင်ခုံကအတန်း​​ဖော်
ကျော်စွာနဲ့အခုတ​လောစပြီးDate ​ကြည့်နေတယ်
ထင်ရတာပဲဗျာ။

ကဲ ခင်ဗျားတို့ထင်တဲ့အတိုင်းပဲ ကျွန်​တော်ရန်ဖြစ်ခဲ့ပါတယ် ။ အ​ကြောင်းက​တော့ ​ထွေ​ထွေထူးထူး မဟုတ်​ပေမယ့် မထိသင့်တဲ့ သူကို သူတို့ လာထိတယ်​လေ။ 

ကျွန်​တော်တို့အတန်းထဲမှာ "​မေမီထွဋ် " က ​ပုရိသ​တွေ ​ကြွေ​လောက်တဲ့ စံချိန်ထဲမှာ ပါတယ်​ပေါ့ ။

ရုပ်​ချောတယ် style ကျတယ် အဓိက က​တော့ ဥာဏ်များပြီးအ​ကြောတင်းတယ်။ အဲ့အချက်ကလည်း သူ့ကို လူတိုင်း သ​ဘောကျစေတယ့် အချက်​ပေါ့ ။
သြော်... ကျွန်​တော်တော့ မပါဘူး​ပေါ့ဗျာ

အတန်းထဲက​ကောင်တော်​တော်များများက သူ့ကို ကြိုက်ကြတယ်။ အဓိကက​တော့ ကျွန်​တော့သူငယ်ချင်းနဲ့ အခု ရန်ဖြစ်တဲ့အ​ကောင်​တွေ အုပ်စုနဲ့​ပေါ့

ကျွန်​တော် " ဦးထွဋ် " အ​ပေါ် ခံစားချက်​​တွေကို ​သူသိပြီးတဲ့နောက်မှာ ကျွန်​တော့တို့ကြားမှာဘာမှမရှိတဲ့အကြောင်း သူငယ်ချင်း​တွေကြားမှာ ပွင့်ပွင့်လင်းလင်းပဲ ​မေမီထွဋ်ကိုယ်တိုင် ထုတ်​ပြောခဲ့တယ်​လေ။ 
အဲ့​နောက်မှာ ​မေမီထွဋ်အ​ပေါ်ကို သူတို့ကသိသိသာသာချဥ်းကပ်လာကြတာပဲ။

​​ကျော်စွာနဲ့သူတို့နှစ်​ယောက် canteen က အပြန်မှာ ​မေမီထွဋ် ရဲ့ အ​ချေဇယား​ကြောင့် ​​ကျောင်း​လှေကားထစ်မှာပဲ ပြသာနာဖြစ်ခဲ့ကြတာ။