-قربي تعالي كلي يلا
-لاه مس عايسه اني خايفه منك
-خلاص يا وعد تعالي كلي و انا هاجعد بعيد عنك هاطلع اجعد بره و انتي كلي براحتك.
سيبتها لوحدها و طلعت بره لجيت شوية خشب جولت اولعهم اهو منها ادفي بيهم و ابعد الديب لما يشوف النار، اكيد هيخاف يجرب مننا
فضلت جاعد كتير سامع صوت بكاها و شايف الديابه بتقرب لكن خايفه من النار
جعدت ابص للديب في عينه ماعرفش ليه ماكنتش خايف منه و بدل ما كان هو بيقرب مني وجفت اني من مطرحي
و قربت منه و اني ماسك في يدي عصي مشعله
و لاول مره اعرف معني كلمة جالهلي ابوي
-كون ديب الكل يهابه و اوعاك تخاف او تهاب من حدا
فضل الديب واجف مطرحه يبصلي و انا اقرب منه لحد ما وجفت جدامه و لا هو خايف من الشعله و لا انا خايف منه
و هجم عليا و بقيت اصارعه و كآني بروض كلب و اولفه عليا و اخيراً خضع ليا الديب و ربطه جدام الجاعه.
و جعدت افكر في اللي بجينا فيه انا و بنت عزوز اللي مش عارف اطمنها، و لا اخدها بذنب ابوها و اجتلها كيف ما جتل ابوي و امي و اخواتي
طب هانعيش ازاي و انا حتي مش معايا اي فلوس اجبلها وكل عشان تاكل
هاه فلوس!
لفيت وشي لآنقاض السرايا و فجآه لقيت نفسي بضحك و دموعي بتنزل علي خدي
خزنه و دهب و جاعة فلوس تحت كوم تراب مردوم
كنت عايش ملك مش شايل هم يومي
دلوقتي خايف من المقسوم
فتحت باب الجاعه لجيتها جاعده زي ما هي بتبكي بس من غير صوت
-لساكي جاعده زي مانتي ماكلتيش ليه
زاحت الصحن من جدمها بغضب
-مس عايسه الوكل ده انا عايسه وكل زي اللي كنا بناكله
-آجيب ليكي منين دلوقتي وكل كلي ده عجبال ما اشوف هاعرف اتصرف ازاي في اللي جاي
-مس عايسه خلاث اني هنام
لفت وشها للحيط و هي جاعده مطرحها و نامت علي الارض
رتبت الفرشه تاني و حملتها بين ايدي لجيتها خايفه و مرعوبه
حاولت انيمها لكن مسكت في جميصي جامد
-مالك يا وعد سيبيني يا بت
-لاه اني خايفه من الديب يا قاسم
-جولتلك ماتخفيش تعالي شوفي اني عملت ايه في الديب
اخدتها و فتحت الباب عشان اوريها الديب و هو مربوط
