الحلقة الخامسة عشر
رجعت معاها لقتني واقف مع مجموعة رجال اعمال كتير.
اتكسفت تيجيلي و وقفت مش عارفة تعمل ايه
-الله مالك وقفتي ليه
-اااصل قاسم واقف مع رجالة كتير و انا مكسوفة اروحله بصراحه.
-طب ما تيجي تقعدي معايا علبال ما يخلص كلام معاهم.
-لاء انا هارجع اقعد علي التربيزة بتاعتنا
-طب و ليه تقعدي لوحدك تعالي يا بنتي مش احنا خلاص بقينا اصحاب
-اه طبعا بس اقولك تعالي نروح نصقف للعروسة و هي بترقص مع عريسها
-نصقف و نرقص معاهم كمان تعالي يلا
كنت مراقبها بعنايا و هي راجعه مع ندي و لحد ما وقفت تصقف للعرسان، و تضحك و فجائة ندي وقفت وراها، حجبت رؤيتي عنها خالص،
و ماشوفتش عصام اللي جيه جانبها و فاجئه شدها من ايديها بين ايده بدء يرقص بيها و هو بيقولها
-وحشتيني اوي ليه بعدتي نفسك عني كده
-انت مجنون اوعي شيل ايدك عني قبل قاسم ما يشوفك
-بس بس اهدي يا روحي ده رقص سلو و عادي يعني اي واحد يرقص مع اي بنت في الفرح
-طلعت روحك سيبني سيبني
بس قبل ما هو يسبها كنت انا ساحبها ورا ضهرى، و المرة دي رفعت ايدي عشان اضربه فعلاً بس وقف رامي بيني و بينه
-قاسم عشان خاطري انا، الفرح هايبوز
شدتها من ايدها بغضب و اخدتها و خرجنا برة الفرح كله و طلعنا علي جناحنا
-ادخلي يا هانم بترقصي مع راجل غريب عنك يا بنت عزوز
-و الله يا قاسم هو اللي شدني من ايدي و انا حاولت ابعده عني.
-اخرسي خالص مش عايز اسمع صوتك
-حاضر حاضر بس انت ماتزعلش مني و الله ما عملت حاجة
-ابعدي عني ماتتكلميش معايا دلوقتي
قعدت علي الكرسي و انا هافرقع من الغيظ
و هي دخلت تغير هدومها و مابطلتش بكي
و رجعت ليا قعدت علي الارض بين رجليا و هي ساكته خايفة تتكلم من كتر الغضب اللي اترسم علي وشي بس همست بصوت واطي.
-قاسم عشان خاطرى ماتزعلش مني و الله ماعملتش حاجة
رفعتها ما بين ايدايا و قعدتها علي رجلي و اترمت في حضني و مابطلتش بكي
ناوية تعملي فيا ايه يا اكتر من كده يا بت عزوز.
بعد ما شيلتها و دخلتها علي السرير قلعت بدلتي و لبست هدومي
