الحلقة العشرون
-اما كريمة انتي فين يا ام
-اني اهنه يا وعد، واه مالك يا بتي فيكي ايه.
-اني تعبانة اوي و عمالة ارجع، هاتيلي من حداكي حفان ملح او حتة جبنة حدقة
ردت عليها الست كريمة بفرحه و هي بتسألها.
-واه انتي حامل يا وعد
-ايوة يا امي بس تعبانه جوى الحجيني يا ام.
-طب تعالي ارتاحي في سريرك و اني هاجبلك وكل اوعاكي تطاوعي روحك للحادق اكده.
-هو فين ابوي اني عايزة اتحدت معاه
-جاعد مع الرجالة في الجنينة برة السرايا
نامي انتي مطرحك و اني هنادي ليه
نيمتها في سريرها ، و جريت للشيخ حسن عشان تنادي عليه
-شيخ حسن يا شيخ
-مالك يا حجه في حاجه و لا ايه
-ايوة تعالي يا اخوي اني عايزاك
-خير يا حجه عايزة ايه
-عايزة اجولك على حاجة ختفرحك جوي، وعد حامل يا شيخ حسن.
-و الله الف مبروك هي فينها وعد
-في الجاعه بتاعتها و بتجول انها عايزاك
-حاضر اني اهو تعالي نروح ليها
دخلو عليها الجاعه و هي نايمة في سريرها
و قال لها الشيخ حسن بفرحه
-وعد مبارك يا بتي كيفك دلوك
-الله يبارك فيك يا ابوي، اني تعبانة جوي اتصل بقاسم و خليه يجى بجي.
-ههههههه هو مايعرفش إياك، طب ما تستني لما يجي براحته، و تعمليها ليه مفجاءه
-لاء هو عارف يا بوي عارف
-واه و بتبكي ليه دلوك عاد يا بتي
-عشان طلجني يا ابوي
وقف الشيخ حسن من مطرحه بيحاول يستوعب اللي هيا قالته بغضب
-كيف يعني طلجك، انطجي يا بت كيف ده حصل.
-رمي عليا اليمين ساعة ما دخل عليا شقة صاحبه، بس بعد ما روحنا النيابة فهم كل حاجة و عرف اني مظلومة، و بعد ما هربني من المستشفي جالي انها كلمة جالها في ساعة غضب و لما ياجي هايردني تاني
-اه الغبي ده هايضع نفسه في مرة، بقسوتة و تسرعة ده
-هو اكدة يبجي طلجني يا ابوي؟
-ايوة طبعاً هي صحيح ، كانت ساعة غضب بس ماحدش بيطلج و هو فرحان يعني.
بكت كتير و سابها الشيخ حسن تخرج كل اللي جوها، و خرج و هو بيفتح تليفونه علي رقمي.
