الحلقة الثالثة عشر
-بتعيطي ليه بس يا حبي ما احنا كنا مبسوطين مع بعض دلوقتي
-عصام اوعي تخلي بيا و تفضحني و النبي انا ماعملتش كدة الا لما انت اكتدلي اننا هانتجوز.
-اه طبعاً طبعاً يا حبي هانتجوز و هو انا معقول اقدر استغني عن الشهد ده كله بعد ما دوقت حلاوته.
-و النبي يا عصام اوعي تفضحني انا ابويا ممكن يقتلني لو عرف حاجه زي دي و امي ممكن تروح فيها.
-اوووه خلاص بقي يا ندي انا مابحبش النكد،
و بعدين تعالي هنا ابوكي مين ده يا حبيبتي اللي هايقتلك!
الراجل اللي عايش علي فلوسك عشان يشرب و يلعب بيهم قمار ده هايقتلك عشان حاجه زي كدة لالا ماعتقدش لما يشوف دول هايعمل حاجة زي دي.
فرحتها بكمية الفلوس اللي حدفهم عليها نستها دموعها و خوفها
-ايه كل دول يا عصام
-خديهم اديهم لابوكي و هو هايفرح بيهم و كل ما تعوزي اكتر هاديكي بس زن و نكد مش عايز.
-يعني مش هاتجوزني؟
-انا ماقولتش كدة هانتجوز طبعاً، بس اديني فرصه امهد حاجة زي دي لأبويا عشان يوافق
، انتي عارفه برضو ان فرق المستوي بينا هايخليه يعني ممكن يرفض.
-حاضر يا حبيبي انا تحت امرك
-شطوره احبك و انتي بتسمعي الكلام
لمت الفلوس بجشع في شنطتها و هي فرحانه
-الله علي جمالهم ربنا يخليك ليا يا عصومي انا كدة مش هحتاج ارجع الشغل تاني
-لااااء
صرخ فيها و هو بيشدها من شعرها عشان يجبرها انها تبصله تاني.
-انتي هاترجعي الشغل و هاتعتذرى لقاسم لازم نمشي في خطتنا، و لا مش عايزة ترجعي حقك و تردى الاهانة ليه تاني
-اه اعتذر لاء طبعاً ده لا يمكن ابداً
-لاء هاتعتذرى يا ندي و ماتنسيش انتي هاترجعي بس عشان تنقليلي اخباره هو و وعد انتي فاهمه.
-اه طب سيب شعرى بيوجعني يا عصام
-يا خبر ابيض معلش يا قلبي ما اخدتش بالي.
-ايدك تقيله اوي اه
-ههههههههه طب ماتزعليش اوي كده تعالي و انا اصالحك
-ألو ايوا يا دينا
-الو ازيك يا وعد عامله ايه يا حبيبتي
-الحمدلله علي كل حال
-مال صوتك يا وعد انتي في حاجه مزعلاكي
-انا في مصيبة يا دينا و مش عارفه اتصرف ازاي فيها و في نفس الوقت خايفة
