الحلقة الحاديةوالعشرون
راحت الشقة عند عصام اللي كان قاعد مستنيها و مهيئ نفسه على الآخر عشان يستقبل وعد بعد ما ندى تجبها ليه، و ودا خلها تثور عليه اكتر.
-قولتلك يا عصام انا مش هاعمل كده.
-يا بت افهميني انتي هاتبعتي ليها الصورة بس و تكتبي تحتيها،
-لو عايزة تفهمي، تعالي و انا افهمك هتلاقيها جات لوحدها.
صرخت في وشه و هي بتزقه بعيد عنها
-قولتلك لاء مش هاشترك معاك في الجريمة دي.
-بتمدي ايدك عليا يا بنت ال....... ضربها بالقلم علي وشها، ضربة وقعتها علي الارض جانب تربيزة الانترية اللي كان عليها طبق فاكهة و سيكنة جانبه.
قامت من علي الارض، و مسكت السكينة و هي بتقولة،
-انت اللي ابن ستين..... خلاص يا عصام انا مابقتش اخاف منك.
-ههههههههههه ناويه تقتليني يا ندى، طب يلا مستنيه ايه مانا قصادك اهو يلا اضربي.
فعلاً قربت منه و حاولت تضربه، الا انه مسك السكينه من ايدها و رماها علي الارض و فضل يضرب فيها جامد.
-بترفعي السكينة عليا يا واطية،
مش بسهولة كدة هاتخلصي مني، و زقها جانبها تاني و عطاها ظهره.
-يلا قومي نفذي اللي قولتلك عليه اخلصي، احسن شكله كده موتك انتي اللي هيبقي علي ايدي.
وقفت وراه بسرعه من غير مايحس بيها
-لاء يا عصام انا قولتلك لاء.
-بتقولي ايه آآآآآآه.
غرزت السكينة في صدره، اول ما لف ليها
و وقع تحت رجليها علي الارض،
و بدل ما تبعت الرسالة لوعد بعتتها لقاسم، و اتصلت بيها هيا و مثلت التعب عليها.
باك...
- تمام كده يا ندى، اكتب عندك يا ابني، أمرنا نحن....... وكيل نيابة...... بحبس المتهمة..... ندى... خمسة عشر يوماً على زمة التحقيق و يراعي التجديد في الميعاد.
//////
و اخيراً وصلت السرايا، و وقفو الرجالة بتوعي يرحبو بيا.
و بعد ما سبتهم دخلت، و انا فرحان اني برأتها و فرحان اكتر بلؤاها بعد المده الطويلة دي كلها.
لكن صدمني الشيخ حسن بمقابلته ليا
-جاي ليه يا ديب
-اني قاسم يا عم الشيخ مش جده؟
-كلكم سلسال واحد نسل شياطين، من اول الديب الكبير لحديك انت.
-لزمته ايه الكلام ده بس دلوك، بجي دي مجابلة تجبلوني بيها بعد الغيبة دي كلتها.
