الحلقة التاسعة عشر
-مكتوب علينا الحزن ديما بس بردو مش هاسيبك و اول ما اخرجك من اهنه
هاكسر دماغك دى
-هاتقسي عليا تاني
-عشان مابتسمعيش الكلام و كدابة، اني هامشي دلوك و عايزك تطمني اني جانبك و مش هاسيبك ابداً.
حاولت تمسح دموعها بايدها ماعرفتش و ده خلاني اضمها اكتر ليا و امسحهم انا بشفافي
-يا استاذ
ده كان العسكري
-اتفضل برة بقي
هزيت راسي ليه بالموافقة ، و قومت من جنبها و قولتلها و انا خارج
-اني هامشي دلوك بس هارجع ليكي تاني جعانة اجبلك وكل
-لاه معايزش اوعاك تسيبني اهنه
-ماتخافيش يا جلبي هارجع ليكي تاني
ركبت عربيتي انا و المحامي بتاعي بعد الحرس ما جبوهالي
-قاسم اللي بتفكر فيه ده غلط بص سيبها هنا في المستشفى،
و انا اوعدك هاخلي وكيل النيابة يوافق علي نقلها مستشفي تانيه
-سيبك من اللي هاعمله و ركز انت في القضية هاتعمل ايه دلوقتي
-بعد ما اسيبك هاطلع علي شركة الاتصالات و اجيب بيانات الرقم ده و احاول افرغ المكالمة بينها و بين وعد،
انت بقي عايزك تهدي اللعب مع البت دي خالص و تخليها تطمن ليك يا قاسم عشان نقدر ناخد منها اعتراف.
-ماتقلقش انا عارف هادخل ليها منين
رجعت علي الشركة و انا هاين عليا اول ما اشوفها اخنقها بايدي
بس مسكت نفسي و دخلت علي مكتبي
لاقتها داخلة ورايا
-قاسم عرفت اللي حصل
بصتلها بغضب مداري و عملت نفسي مضايق
-عرفت يا ندي انا لسة جاي من النيابة بعد ما كانو حاجزني في القسم
-يا خبر طب يحجزوك ليه؟
-كانو فاكرين ان انا اللي قتلته و انتي بقي عرفتي منين؟
-جالي استدعي من النيابة، بيقولو لازم اروح اشهد مع اني مش عارفة اشهد باية بس هاروح بكره بقي و خلاص.
-ماشي.
قعدت علي مكتبي و سندت راسي علي ايدي
و حسيت بايدها و هي بتملس علي شعرى
طب و مالك عامل في نفسك كدة ليه انت للدرجة دي زعلان عليه.
-انا زعلان علي نفسي
-ليه بتقول كده انت ايه علاقتك بالموضوع ده
-ليه هو انتي ماعرفتيش ان وعد هي القاتلة
-مش معقول وعد ازاي ده
