الحلقة العاشرة
ابتدو يتحركو و ركبت دينا في عربية رامي و ركبت ندي في عربية عصام
-بتفكر في ايه يا عصام و مالك مبتسم كده
-هاه مافيش حاجه تاخدي سيجارة
-هههههههه ماشي مافيش مانع اهي حاجه الواحد ينفخ فيها زهقه
-و انتي زهقانه ليه بقي انشاء الله هو مش مديكي ريق حلو اليومين دول و لا ايه
-قصدك مين قاسم قولتلك قبل كده قاسم زي الخاتم في صباعي و انت اللي مش عايز تصدق
-الله شكلك انتي اللي عايشه في الوهم لحد ما هاتفوقي علي كابوس
اضطريت امشي من الشركه بدري و ارجع علي الڤيلا عشان وعد كان عندها درس خصوصي مع المدرس بتاعها
كانت قاعده قصاد عيني في اوضة السفرة بتاخد درس فرنساوى
و اتفاجئت بصراحه بوصولهم للڤيلا
دخلو و قعدو في الليڤينج و هما الاربعة بيبصو لي باستغراب
-آهلا يا شباب مالكم بتبصولي كده ليه
-اصل بصراحه شكلك تحفه في الجلابية الفلاحي دي
-هههههه بس دي مش جلابية فلاحي ده جلباب صعيدي يا جفل
-هههههههههه تحفه و الله شكلك فيه حلو جداً
قربت ندي مني بجرآه
-حبيبي قمر في اي حاجه
نزلت آيدها من علي كتفي و ماهتمتش بيها كالعاده و قعدت
-طب اقعدو بقي و قولولي سبب الزياره الشريفه ايه؟
دخلت لينا وعد و هي بتجرى و فرحانه و ماكانتش تعرف ان في حد موجود معايا
-قاسم قاسم تعالي عشان المسيو عايزك
آتفاجئت بيهم قاعدين معايا و وقفت مصدومه لما شافت عصام قاعد معانا
-الله آنت معاك حد انا اسفه ماكنتش آعرف ان آصحابك هنا
ً-اهلاً يا وعد تعالي يا حبيبتي
-آهلاً بيكي ازيك يا دينا عاملة ايه
-مالك يا وعد جايه بتجرى كده ليه
-آآصل يا قاسم المسيو عايزك قبل ما يمشي
-طب تعالي اما نشوفه عايز ايه
آخدتها تحت دراعي و خرجت بعد ما بصتلها ندي باصه كلها غل و حقد
-بقت تعرف تقول مسيو الفلاحه، لبست الچينز اللى كانت جاية بجلابية شبه الخادمين
-عيب كده يا ندي انا مش فاهمه آنتي ليه مش بتحبيها
-عشان بت ....... كده و شايفه نفسها
