الحلقة السابعة عشر
قصته لها و كان حلو فيها و كمان عملت ليها ميك اب كامل و هادي في نفس الوقت.
صاحبة المحل : ها ايه رأيك بقي
-حلو اوي مش كدة يا ندي
ندي بغيظ اكتر : بصراحة مش عاجبني
صاحبة المحل و قد تفهمت غيرتها
-هههههههه بالعكس ده جميل اوي، و لايق عليها و هي اصلا مش محتاجة حاجة
وعد : متشكرة اوي لحضرتك
خرجو من البيوتي و هي مبسوطه اوي ندي هاتفرقع من الغيظ
-تعالي معايا يا ندي اوصلك في طريقي بالعربية
-هو انتي بقيتي تعرفي تسوقي يا وعد
-لاء طبعاً ده قاسم باعت معايا عربية بسواق و حارس و هما برة المول مستنيني
-يا نهارك ابيض و ازاي ماتقلويش ليا، مش لازم يشفونا مع بعض احسن بعدين يروحو يقولو لقاسم.
-يا خبر انا نسيت طب خلاص انا هامشي بقي يلا سلام يا ندي
-مع السلامه هابقي اكلمك اطمن عليكي
-ايوة يا ابني الهانم رجعت الڤيلا؟
-ايوة يا قاسم باشا احنا لسة راجعين حالاً دلوقتي.
-عرفتو هي كانت مع مين شوفتو حد من اصحابها.
-يا فندم انا بعد ما هي دخلت المول و امرتنا اننا نستناها برة، عملت زي ما حضرتك قولتلي بالظبط.
-و دخلت وراها عشان ماتتهوش لحد ما وصلت للكافيه.،
و دخلت بس ماكنش في حد مستنيها غير الانسة ندي سكرتيرة حضرتك.
-بتقول مين يا بنت ال............يا ندى طيب
راحو فين بعد كدة وحد جالهم و لا لاء
-فضلو يلفو علي المحلات في المول، و بعدين دخلو البيوتي سنتر، و في الاخر خرجت لوحدها تاني و ركبت العربية و جينا علي الڤيلا
-طب اقفل دلوقتي.
قفلت معاه التليفون و طلبتها و انا بغلي من جويا
-الو انتي فين
-انا رجعت الڤيلا و قاعدة مستنياك لحد ما تيجي عشان عاملة ليك مفاجئه.
-بقيتي تعرفي تعملي مفجأت يا وعد
-ههههههه علي قدي بس مش عارفة بقي هاتعجبك و لا لاء
-انتي قابلتي أصحابك
-هاه اه طبعاً
صرخت في وشها و انا مش مصدق نفسي
-اقفلي التليفون انا جايلك دلوقتي
-براڤو عليكي يا ندي شوية صور انما ايه، زي القمر بنت الذينا حتي لما قصت شعرها بردو ظهر جملها اكتر.
