My Dearest Emperor { Uni+ Zawgyi}

Part 30

Unicode ::

Xiao Zhan မှာတောကောင်ရေဘယ်သူပိုများလဲပြိုင်၍ကိုကို့ကိုလောဘကြီးစွာထပ်တခါအပိုင်သိမ်းချင်မိသည့်သူ့စိတ်ရိုင်း၊စိတ်မိုက်ကိုသာအကြိမ်ကြိမ်အပြစ်တင်မိနေလေသည်။ သူတို့တညလုံးရှာဖွေသော်လည်းကိုကို၏အရိပ်အယောင်လေးပင်မတွေ့ရ။ Zhan Zhan တယောက်နန်းတော်ပြန်ရောက်ပြီးလည်းတိုင်းရေးပြည်ရေးအမှုကိစ္စတစ်ခုမှမထမ်းရွက်နိုင်ဖြစ်နေလေသည်။

စစ်သူကြီး၀မ်မှာအသတ်ခံရသော်လည်းလက်သည်မပေါ်ပဲရှိနေလေသည်။ Hai Kuan တယောက်မည်သို့ပင်စုံစမ်းစေကာမူအဖြေကိုမသိရသောကြောင့်ငူငိုင်နေလေသည်။ ညအမဲလိုက်ပွဲတွင်သူသာရှိနေခဲ့ပါလျှင်အဖေဖြစ်သူနှင့်ညီတော် Yibo မှာထိုသို့ဖြစ်မည်မဟုတ်။ တယောက်ယောက်ကသက်သက်ကြံစည်၍ Zanjin အကြောင်းသတင်းအမှားပေးစေခြင်းဖြစ်ပေမည်။

သို့သော် Jin er နှင့်သူ၏ပတ်သက်မှုကိုသိထားသူမှာလည်းများများစားစားမရှိပေ။ သက်သက်မဲ့အသေအချာကိုကြံစည်ထားခြင်းဖြစ်ပေမည်။ ထိုသူသည်အစဥ်အဆက်က၀မ်မိသားစုအပေါ်အငြိုးအတေးထားခဲ့သူဖြစ်ရမည်။ မည်သို့ပင်စဥ်းစားစေကာမူသူအဖြေကိုမသိပါ။ ၀မ်မိသားစုမှာမည်သူနှင့်မျှရန်ငြိုးမရှိခဲ့ဖူးသောကြောင့်ပင်။

Hai Kuan တယောက်များစွာနောင်တကြီး၍သေရည်ဆိုင်တွင်သေရည်များတစ်အိုးပြီးတစ်အိုးသောက်နေလေသည်။ သူအိမ်မပြန်ချင်ပါ။ မလှုပ်မယှက်လဲလျောင်းနေသောအဖေဖြစ်သူကိုမည်သို့မျှစိတ်ဖြေ၍သူမကြည့်နိုင်ပါ။ အရင်လိုတက်တက်ကြွကြွရဲစွမ်းအပြည့်နဲ့စစ်သူကြီးအဖြစ်လှုပ်ရှားနေသည်ကိုသာမြင်လို၍ဖြစ်သည်။

စစ်သူကြီးကတော်မှာလည်းအရူးတစ်ယောက်ပမာငိုကြွေးရင်းဖြေမဆယ်နိုင်ရှိနေလေသည်။ ယခုလက်ရှိ၀မ်အိမ်တော်မှာသေသူကသေ၊ ပျောက်သူကပျောက်နှင့်၀မ်တစ်အိမ်သားလုံးပူဆွေးလျှက်ဖြေမဆည်နိုင်ရှိနေလေတော့သည်။အရက်သောက်နေရင်းတစ်ဖက်၀ိုင်းမှစကားသံတစ်ချို့ကြား၍သူချက်ချင်းခေါင်းထောင်ကာနားစွင့်မိသည်။

ထိုစကားပြောနေသူထထွက်သွားတော့ Hai Kuan တယောက်ဓားဆွဲကာအနောက်မှတိတ်တဆိတ်လိုက်သွားလိုက်သည်။ မြို့ပြင်လူရှင်းသည့်တနေရာအရောက်တွင်သူကအလျင်ထိုသူကိုတိုက်ခိုက်လိုက်သည်။ ၄င်းမှာအလစ်တိုက်ခံရသည်ကတစ်ကြောင်း၊ဓားမပါသည်ကတစ်ကြောင်း၊ Hai Kuan ၏သိုင်းပညာအားမယှဥ်နိုင်သည်ကတစ်ကြောင်းဖြင့် မိနစ်အနည်းငယ်အတွင်း Hai Kuan ၏ဓားသွားက၄င်း၏လည်ပင်းထက်တွင်ရောက်လာကာ