Unicode ::
ညနေခင်း ၆နာရီခွဲ၀န်းကျင်လောက်ဖြစ်သည်။ Yibo မှာစာသင်ဆောင်မှပြန်ကာသူ့အဆောင်သို့တစ်လှမ်းချင်းလျှောက်လှမ်းလာလေသည်။
ဆရာလေး၏မျက်နှာလေးညိုးကျနေသည်ကိုကြည့်ခြင်းဖြင့် Hai Kuan ge ဒဏ်ရာအကြောင်းကြား၍စိတ်ပူနေကြောင်း သိသာလှပါသည်။
Yibo မှာသူအိပ်ဆောင်သို့ရောက်သည့်အချိန်ခြေလက်ဆေး၊အဝတ်အစားလဲလိုက်ကာညနေ ၇နာရီလောက်မှစ၍ တခါလေးမှမူးအောင်မသောက်ဖူးပါသောသေရည် များကို ခွက်ထဲငှဲ့ထည့်ကာတစ်ခွက်ပြီးတစ်ခွက်မော့သောက်နေလေသည်။
Xiao Zhan တို့ရောက်သွားချိန်မှာ ည ၇ နာရီခွဲလောက်ရှိပြီဖြစ်သည်။
Xiao Zhan သည် Yibo အဆောင်နှင့်မျက်နှာချင်းဆိုင်ရှိ တည်းခိုဆောင်၏ခေါင်မိုးထက်မှစောင့်ကြည့်နေခြင်းဖြစ်လေသည်။ ထူးဆန်းစွာပင်သေရည်များတရစပ်ထည့်သောက်နေသောဆရာအားကြောင်အမ်းစွာငေးကြည့်နေမိလေသည်။
ဆရာ့မျက်နှာလေးမှာဝမ်းနည်းမှုကြောင့်ညိုးကျနေသည်ဖြစ်ရာ Xiao Zhan ရင်ထဲအမျိုးအမည်မဖော်ပြတတ်ပါသော စိတ်မကောင်းဖြစ်မှု၊ ထပ်တူဝမ်းနည်းခြင်းများပြည့်လျှံလာလေသည်။
တကယ်ပြောရလျင်လည်း Yibo မှာ Hai Kuan ကိုဘယ်လောက်ပင်စိတ်ပူနေပါစေ၊ မြို့တော်သို့ပြန်ခွင့်၊အကိုတော်ဆီသွားခွင့်မရှိပါ။ထို့ကြောင့်သူစိတ်ပူနေရုံမှမတတ်နိုင်ပဲဖြစ်နေရာ ချစ်ရသူ နှစ်ချိုက်သည့် သေရည်ကိုသာအဖော်ပြုနေခြင်းဖြစ်လေသည်။
တဖြေးဖြေးညည့်နက်လာသည့်တိုင် Yibo က အိပ်ရာခန်းပြတင်းပေါက်လေးဖွင့်ထားကာ ပြတင်းနံဘေးရှိစားပွဲလေးကိုမှေးထောက်ရင်းငူငိုင်စွာအပြင်ဘက်အားငေးကြည့်နေ၍ သေရည်များတမြုံ့မြုံ့သောက်နေလေသည်။
အတွေးမျိုးစုံဖြင့်ပူပန်နေသည့်တိုင် အနည်းငယ်ရိပ်တိတ်တိတ်မူးနေသည့်တိုင်ပကတိတည်ကြည်သူပီပီ ဝမ်းနည်းရိပ်သန်းနေသော်လည်း မျက်နှာအနေအထားကိုဂရုစိုက်ထိန်းချုပ်ထားလေသည်။
Xiao Zhan မှာ လဲငေးနေသည်မှာတမေ့တမောပင်။ ည ၉နာရီလောက်ရောက်တော့ Yibo ဆီသို့ စာပို့ခိုလေးတစ်ကောင်ဝဲပျံလာလေသည်။
ČTEŠ
My Dearest Emperor { Uni+ Zawgyi}
Historická literaturaZhanyi နှစ်ယောက်ကိုသိပ်ချစ်လို့ fic လေးတစ်ပုဒ်ချရေးပစ်ပြီ အရမ်းအရမ်းကို sweet ပေးမှာပါ😘😘btw mature on ထားတာမို့ နောက်ပိုင်းတွေကြ + တွေလဲပါပါမယ်🙈🙈 Zhanyi ႏွစ္ေယာက္ကိုသိပ္ခ်စ္လို႔ fic ေလးတစ္ပုဒ္ခ်ေရးပစ္ၿပီ အရမ္းအရမ္းကို sweet ေပးမွာပါ😘😘btw matur...
