مبدأياً حاسة إني شجاعة جداً اني قررت اتكلم عن موضوع المكياج وكدا وانا بطة بلدي أساساً 😹 بس زي ما قلت قبل كدا اني بأؤمن إن المكياج دا شيء خاص وكل بنت المفروض انها تطلع بقواعدها الخاصة، لأنه حقيقي لو الكل اتبع نفس القواعد هنبقى عبارة عن نُسخ في النهاية 🤷🏻♀️ .. بس كفاياني فلسلفة وندخل في الموضوع 😹👈🏻
أولاً دي الحاجات اللي بستخدمها:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
١- بي بي كريم. ٢- كريم واقي من الشمس. ٣- جيل آلوفيرا (صبّار). ٤- مكبس رموش. ٥- كحل. ٦- مرطب شفاه. ٧- زبدة كاكاو بالتوت + ملمع. .. دلوقتي كلهم يبانوا انهم كتييير والموضوع معقد بس في الحقيقة لا 😅😹 هقولكم الخطوات:
١- لو في الصيف ببدأ فكريم الحماية من الشمس على طول، لكن في الشتا لازم ارطب بشرتي الأول لأن في الصيف بشرتي بتبقى دهنية فبكتفي بالصنْ بلوك، أما في الشتا بشرتي بتبقى مختلطة 🙆🏻♀️
٢- البي بي كريم الحقيقة اختي جابته ليا هدية بس طلع درجة فاتحة عليا هو درجته light، اللي يضحك اني كنت جبت منه درجة medium وطلعت غامقة جداً 😹🤦🏻♀️المهم حيث اني مش بحب احط اي حاجة ليها تغطية او coverage على وشي، قررت استخدمه كإضاءة او highlighter، وبحطه على الأماكن المضيئة في وشي زي كدا 👇🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
*الهايلايتر الكريمي له تأثير طبيعي اكتر وأخف من الهايلايتر الباودر.
٣- بستخدم جيل الآلوفيرا على حواجبي حيث اني مش بحددهم بقلم - في رأيي بيبقى شكلهم قاسي ومش بيليق عليا - والجيل بيثبت الحاجب وكمان مفيد 😉
٤- بستخدم نفس الجيل على رموشي مع مكبس الرموش، بيعطي الرموش مظهر البلل كأني حاطة ماسكارا، بس في الحقيقة مش حاطة 🤭😹
٥- بحط كحل على رموش عيني السفلية، وخط رفييييع في نهاية رموشي زي الصورة دي 👇🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
( الروج في الصورة دي معمول ببرنامج ولا يمت للواقع بصلة 😹🤦🏻♀️💔)
٦- وأخيراً بحط مرطب على شفايفي قبل ما احط زبدة كاكاو التوت لأن رغم أنها زبدة كاكاو بس بتخلي الشفايف حجر 🤦🏻♀️😹 وطريقة وضعي للون على شفايفي بالطريقة ال gradient الكورية 💗
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بحس إنه أنعم وبيليق عليا اكتر 💛 ..
وبس كدا يا حبايب خلصنا وجاهزين نخرج 😹🏃🏻♀️ السبب اللي خلاني مسميهوش روتين مكياجي اليومي، هو اني مش بحطه كل يوم لأني مش بخرج كل يوم 😹 وفي البيت بفضل احط لون على شفايفي بس عشان بشرتي عادة بتبقى شاحبة خاصة في الشتا 💀
