اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
صباح الخير يا أهل الخير! 🌅💛
من عنوان الفصل، العادة اللي حابة أتكلم عنها النهاردا هي الإستيقاظ مبكراً! 🛌🏻
مع شديد الأسف إحنا الشباب يومنا بقى مقلوب.. نهارنا بقى ليلنا وليلنا بقى نهارنا 🤦🏻♀️ في فصل النهاردا مش بجبر الكُل إنه يبقى شخص صباحي زيي لا أنا بس بحاول أساعد الأشخاص اللي عاوزين بس مش قادرين يبقوا أشخاص صباحية، زي ما كنت في البداية 🌅
مبدأياً، عُمرنا ما هنقدر نغير إسلوب نومنا في يوم وليلة! لو فاكرين إنه عشان خلاص قررنا نقوم بكرا بدري يبقى هتحصل معجزة وتتحقق 🤦🏻♀️
مش بحاول أحبطكم بس بحاول أكون واقعية مش أكتر 😹 كمان من تجربتي بقولكم إن دا شيء شِبه مستحيل، والدليل إنه مثلاً لما بنسهر في ليلة للفجر ويكون عندنا مشوار مهم الصبح بدري، بنصحى مغصوبين ومزاجنا طول اليوم بيبقى مقفل، هل من بعدها بنتعود نصحى بدري؟ أبداً 🤷🏻♀️
السبب هو إننا عملنا صدمة لجسمنا ودماغنا بدل ما ناخد الموضوع بالتدريج! من رأيي أنسب حل للتعود على الصحيان بدري هو إننا نبدأ نعود نفسنا في الأجازة الكبيرة زي أجازة الصيف، لأنه بيكون عندنا براح وقت أكتر 👌🏻
.. هحكيلكم قصة إزاي أنا اتعودت على الصحيان بدري بقالي ٥ سنين وأكتر 🌅 في الأول في سن ١٣ أو ١٤ سنة، يعني قولوا في بداية مراهقتي، كنت أحياناً بتوصل اني انام الساعة ٧ الصبح 😩💔 حقيقي وقت من حياتي مش عاوزة ارجع له.
الطريقة اللي أنا شخصياً إتبعتها - من حوالي ٥ سنين - هو إني بدأت أصحى بدري نص ساعة كل يوم بالتدريج، يعني النهاردا بدل ما اصحى ١١، اصحى ١٠ ونص، وهكذا، لحد ما دلوقتي - في ايام الاجازة - بصحى الساعة ٧ لوحدي من غير منبه 😹🙏🏻 عشان اكون صريحة معاكم الموضوع مش سهل، اخد مني حوالي شهرين أو اكتر، بس انا كُنت مُصممة بشكل مش طبيعي! زهقت وتعبت من أسلوب الحياة اللي كنت عايشاه وكنت حاسة ان جزء من حياتي بيضيع مني..
وانا متأكدة إن كتير غيري عندهم نفس الاحساس دا برضو ودا كافي كمُحفز انهم يغيروا اسلوب حياتهم للأحسن 🌸
السؤال هنا.. طيب اتعودت اصحى بدري، هعمل ايه بعد ما اصحى؟! خاصةً في الاجازة!
حقيقي الإجابة هنا مُتنوعة يعني على حسب 😹 مثلا انا روتيني الصباحي مثلا بياخد حوالي ساعة 😹 وبعدين اشوف اللي ورايا في البيت لو هساعد ماما، اروق اوضتي واروي الزرع واطلعه في الشمس، بعدين عادةً لو انا في الاجازة بخرج 😹🏃🏻♀️🌄 لو انتم في مصر وخاصةً في اسكندرية هتكونوا عارفين حدائق المُنتزه والمعمورة، حدائق جميلة جداً فيها شواطئ ومراجيح والمعمورة فيها عجل 🚴🏻♀️ والأهم إنها قريبة من بيتي فـ لو في يوم ملييش مزاج اظبط خروجة fancy مع الشلّة، باخد صاحبتي اللي ساكنة جنبي وبنروح هناك نعمل نزهة 😹😹👇🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كفاية رغي عن حياتي المملة - للبعض 😹 - بس اللي اقصد اقوله إنه مجرد ما تصحوا من النوم بدري هتلاقوا أفكار بتيجي لوحدها المهم إنه منقعدش ساعات على الموبايل ونبقى يا فرحتنا صحينا بدري بس ضيعنا الوقت 😹🤦🏻♀️
من رأيي لو بقينا واعيين لإهتمامتنا وهوايتنا، هيكون عندنا فكرة أحسن عن الحاجات اللي ممكن نعملها في اليوم، يعني بالنسبة لي بحب اليوجا، القراءة، الكتابة، التصميم وال 'journaling'، وركوب العجل ومؤخراً أضفت ال Gym 😸. فكُل يوم بحاول حسب ظروفي إني أملي وقتي بحاجة من دول، وانتم كمان تقدروا تعملوا كدا 🙊✊🏻
لو في الدراسة بقى يبقى مش محتاجة اقولكم هتعملوا ايه طول اليوم 😹💔 بس عالاقل يوم دراسي في الكلية وانتم نايمين بالليل كويس وصحيتوا براحتكم أحسن من تقضية اليوم في الكلية او المدرسة وإحنا مرهقين ونعسانين عشان منمناش بالليل كويس 🤦🏻♀️
انا فاهمة انكم عارفين الكلام دا كويس، بس وبعدين؟ لازم كلنا نشتغل على نفسنا وزي ما قلت قبل كدا مع ضبط النفس والتحكم فيها مفيش حاجة مستحيلة ✊🏻
If I could do it, So can you 🦄
..
لو حابين تشوفوا vlogs يومية، زوروا حسابي في انستجرام، هتلاقوني منزلة vlogs كتير في قسم الـ IGTV 😸💛 .. دمتُم بخير 🌸
