اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أهلاً بكُم ومرحباً من جديد 🧚🏻♀️
النهاردا موضوع بقالي كتير جداً ناوية أتكلم عنه، بس كنت مستنية فرصة مناسبة 😅 وأخييييراً الفرصة جتت 🤩
موضوعنا هو غياب الإلهام أو ال writer's block، متأكدة إن كتير مننا عانى منه لوقت قصير أو وقت طويل. ومش لازم يكون في الكتابة بس! ممكن يكون في الرسم، في التصوير أو أي هواية تانية، لأن غياب الإلهام عادةً بيبقى مصاحب بغياب الإبداع، واللي جربه أكيد يعرف إنه أبشع إحساس في العالم 😩
- هل عانيت أنا من ال writer's block؟
آه عانيت، وبدأ من سنة ٢٠١٦ لحد فبراير ٢٠٢٠.. مدة طويلة صح! المشكلة إن أحياناً التعرف على سبب غياب الإلهام بيكون صعب جداً للأسف ومحتاج يكون عندنا وعي بكل اللي ممكن يكون سبب. بالنسبة لي أنا عارفة السبب كويس، لأنه من أول سنة ٢٠١٦ لحد أوائل ٢٠١٨ كانت فترة مرضية وكان لها تأثير على نفسيتي، تركيزي، إبداعي وحتى تحصيلي الدراسي. لكن الحمد لله دلوقتي تخطيت الموضوع بنسبة ٨٠٪ وأنا ممتنة وشاكرة ربنا على كدا 😸🙏🏻
صحيح في الفترة دي كتبت كتابين للخواطر على حسابي القديم (هتلاقوا الكُتب في قائمة قراءة اسمها أعمالي القديمة في حسابي 🙊)، كنت بكتب أفكار وخواطر صغيرة بتخطُر على بالي وبس، لكنّي كنت شِبه عاجزة عن كتابة شيء طويل زي قصة قصيرة أو رواية.
..
نيجي بقى للمفاجأة 🤩 . . . . .
في رواية بقالي حوالي شهرين بشتغل عليها 💛
الحقيقة أنا لحد دلوقتي مش مصدقة نفسي! الإلهام فجأة جاني يمطّر وكان لازم استغلّه، لحد ما خلّصت كتابة الرواية النهاردا يوم ٢١ يونيو ٢٠٢٠ 😸
فـ أه دي رواية بعد ٤ سنين من غياب الإلهام بس حاولت أخليها خفيفة لطيفة كدا 😹😅 وهتكون ١٠ فصول بس بالإضافة للمقدمة بإذن الله 😸
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
إقتباس
"أؤُمِن بالقدَر، أُؤمِن أن صُدفة لقائنا كانت تدبيرُ العزيز الحكِيم.. لم تكن عَبَثاً، وإنّي مُمتنة لتِلك الصُدفة التي جمعتنِي بِك."
..
المُقدمة هتنزل بعد يومين بإذن الله، يوم ٢٣ يونيو 💛
وبس كدا يا حلوين، أشوفكم في فصل جديد وفي الرواية الجديدة إن شاء الله 🧚🏻♀️
