سلام
شلونكم يا طيبين ؟ ♥
اليوم اريد احجي وياكم بموضوع كلش مهم اتحملو فلسفتي 😂👇
اغلب المراهقين والشباب يعانونين من الاكتئاب والحزن غير المبرر وخاصه احنه بالعراق لان حياتنه صعبه وضغوط من كل النواحي واوضاعنه ابد ما مستقره كلشي صعب عدنه حته اابسيط منها..
زين السؤال هو شلون اگدر ابتعد عن الاكتئاب ؟
نبدي يومنه من الصبح
الصبح اول متگعدون من النوم حاولو تشربون گلاص مي ع الاقل وافتحو الشباك والزمو گلاص المي وكلسا اخذو كمعه مي وتنفسو بعمق افييييش والله تخلصون من كل السلبيه اللي بيكم من تخلصون صلو ع النبي (ص) وسدو الشباك
الدنيا بارده لطلعون بره بسرعه وانتو دافين تروحون تاخذون برد 🌚🚬
اول عشر دقايق من يومكم هي تحدد نفسيتكم اليوم كله حاولو تبتعدون عن الضغط وانسو مشاكل البارحه وابدو يوم جديد وانتو متوكلين على الله وان شاء الله كلشي يمشي عدل ♥
الرياضه كلش مهمه حته الانسان يتخلص من الحزن والكآبه والضغط مو الا رياضه بالجم توء ماكو داعي للتكلف مجرد هروله بالبيت وتمارين سويديه بسيطه وانتو تلعبون رياضه تنفسو حييل بحيث تحسون بطنكم لزگت بظهركم نعم حبايبي هاي الطريقه الصحيه حته تنتعش الرئه وتتحرك الدوره الدمويه واي سؤال يخص الرياضه سألو واني اجاوبكم 🌚🚬
شوفو الخطوه المهمه هو الاكل الصحي ثم الاكل الصحي ثم الاكل الصحي كثرو خضار وفواكه وخاصه
الموز
الفراوله
الشلغم ( سدو خشمكم واكلو ) 😂💔
السبيناغ ( السبزي )
التفاح من اكثر الفواكه محاربه للاكتئاب
خو اذا عدكم خس كلما تمرون ع الثلاجه كرطو ورقه منه هيج رح تحافضون على شبابكم ورونق وجهكم اضافه انه يتخلص جسمكم من السموم وبالتالي تحسون براحه وخفه بالجسم مو طبيعيه .. ابوس عقلكم🌚🚬
خو هذني متوفرات بكل بيت 🙄 حاولو تكثرون منهن
كلشي تحبون تسوو وتتونسون بي سوو تتصفحون بالنت ، ترسمون ، تغنون ،تكتبون تقرون ،ايي شيي تحبو سوو اببد لتهملون مواهبكم وطاقاتكم كل يوم مارسو هوايه تحبوها رح تكسرون الروتين وتنفهون عن نفسياتكم .. ابوس روحكم 😎♥
ابد لتعوفون الصلاة وعباده الله لان والله ثم والله الله مو بحاجة العباده والذكر بس فرض هذا الشي لمصلحتنه لان سبحان الله من نصلي بوقتها و نحافظ على صلاتنه وعبادتنه ونحسن الظن بقدرة رب العالمين نحس حياتنه وحدها تتعدل والله يذكرنه دائما ويوجهنه للصح ويقوّم شكو اعوجاج بتصرفاتنه ♥ ... ابوس گلبكم 🌚💜
لحد يگول مالي خلگ والله هاي الاشياء كلش بسيطه والها اثر ايجابي مو طبيعي لحد يتعاجز منها ويسمح للكآبه انه تتحول لمرض عضوي لا سامح ويخسر صحته وشبابه للاسف .. ابوسكم واحد واحد 😂😂♥
بالمناسبه الي واحد كاره الحياة اني مستعد اسمع لكل فضفضاتكم شكو شي يضوجكم كتبو بالمصارحه مالتي ورح اجاوبكم وادليكم ع الحلول النفسيه ان شاء الله 💜
شلون اعرف بالمشاكل النفسيه ؟ والدتي دارسه علم نفس وتعلمت منها
وشكراً 😂✋
