سلام ♥
شلونكم حبايبي ؟
حته منجرب شعور الخذلان بحياتنه لازم نخلي ببالنه نهايه لكلشي ان جان حلو وان جان مو حلو
الحياة بطبيعتها مزيج بين الحلو والمُر وحته نگدر نستمتع بالحلو اللي بيها لازم نتجرع المر ونعتبره دوه حته نكمل باقي حياتنه بمناعه اقوى ..!
الخذلان يجي لمن تذبون ثقتكم وايمانكم وحملكم على انسان ..انسان بأي دقيقه ممكن يوگع وبإعتباركم واگفين وراه ومستندين عليه هنا رح توگعون ويا ..
الثقه لتنطوها غير لثنين وبسس الله اولاً ونفسكم ثانياً وبس.. خلو هذا الكلام گدامكم دائما وتذكرو
كل حايط رح يبني الكم شخص هو مهدد بالسقوط بيوم من الايام الا الحايط اللي انتو بينيتو لتتوقعون بيوم ينهدم ويأذيكم ..
كلشي بهاي الدنيا له نهايه وجود الاهل بحياتنه له نهايه وجود الحبيب له نهايه وجود الزوج له نهايه وجود الاولاد له نهايه ....الخ
اذا الانسان ميبني نفسه وشخصيته ومستقبله ويصنع لنفسه كيان ويتوكل بكل اموره على رب العالمين رح تكون حياته مُره وكلها عثرات وخيبات ووجع والم وانتكاسه
اعتمدو على نفسكم دائما ولتخلون شي يضعفكم ويهزكم ولتقبلون بالهزيمه لان محد الي رح يخسر غيركم ...لتبالغون بحزن والجزع على شي انتهى وحته ان حسيتو نفسكم انه انتو الخاسرين بي حاولو توگفون من جديد وتبدون من جديد وثقو انه التجربه الثانيه رح تكون افضل وانجح
استغلو كل فرصه تطوير لنفسكم حتلو كانت بسيطه محد يفيدكم غير نفسكم وبس.. رح يجي يوم تكونون وحدكم گدام رب العالمين ورح تواجهو وحدكم رح تكون ( نفسكم هي سند نفسكم ) !
اببد لتبحثون على سند بهاي الحياة لان اللي ميسند نفسه محد رح يسنده ثقو بالله
حته لتبجون بحياتكم هوااي حاولو تبنون شخصيه الناس تحتاجها مو هي اللي تحتاج الناس ✋
وشكراً ✋
