مرات الانسان من كد الضغوط اللي عليه يشوف نفسه محاصر يحس نفسه انه نخلق حته يتأذه بهاي الحياة .. يفقد الامل واليأس يسيطر عليه ويحس ( بإحباط مو طبيعي يحس نفسه خذل نفسه ) وهذا اسوء واقسى شعور 🚬
مو.كل انتكاسه معناها نهاية الحياة ولا كل ظرف سيء معناها مراح يعدي خليك متوقع خير دائما واوعدك رح تلاگي الخير ..وفكر بالفرح تفرح اغاتي 😻
كل ازمه رح تنحل وكل مشكله رح تتفكك ما اگلك صير حديد ولتنقهر لتبچي لتنعزل لتضعف ..توء احنه بشر ولازم نحس واللي ما عنده احساس معناها مطي مع احترامي اله 🙂
بس القوه والايمان الحقيقي انه رغم ضعفك وهشاشة موقفك مراح توگع ورح تداوي نفسك وتخيط جروحك بيدك وتگوم وتوگف وتواجه وتفكر وتحل وتگول اني اسد امرض صح بس ما اموت 👌
الناس بطبيعتها 3 انواع ..
النوع الاول..
اللي عايش بدون هدف يريد كلشي يمشي مثل ميريد وهو گاعد ..يريد فلوس وثروه وسعاده وونسه وهو ميحرك نفسه حته يجيب گلاص مي لروحه 🙂
هذا النوع خطر على نفسه وعلى كل واحد يحتك بي لان رح يكون فاشل دائما ورح يحاول يعيش مثل ماهو يريد بدون تعب ورح يبقى عايش على كد وتعب غيره لو يگضي حياته عايش مهتلف 😏👌
النوع الثاني ..
اللي عنده هدف وطموح واحلام بس گاعد وساكت مثل اللي يتمنى يصير دكتور وميدرس ومثل اللي تريد تضعف وتاكل باليوم 3 روس باچه 😂
هذا النوع اكثر الناس اللي رح تعاني بحياتها رح يحس نفسه مظلوم دائما ويندب حظه على كل فرصه ولحظه ضيعها بيوم وما استغلها صح 🙄🚬
النوع الثالث ...
اللي عنده هدف وعقله مليان خطط وجداول وخرائط حته يحققه ميتوقف عند نقطة الفشل ويعتبرها تجربه ممكن تسويله قفزه وتأهله وتختصرله طريق چان اطول ...
شخص توكل على الله ووثق بنفسه وگف گدام مجموعة طرق واختار الطريق الصح 🙂
هذا الشخص اللي نگول عليه محظوظ وحظه گاعد واللي بيوم وليله جان صفر وصار 100 😯
خليكم من النوع الثالث مراح تندمون اببد لتخلون ازمه توگفكم او مرض يحبطكم الاحلام والامال مالها حدود واللي يريد شي لازم يحسبه صح ويشتغله صح وحتلو جنت بعدك بالصفر بجهدك وبعملك واملك وايمانك وقوتك رح تلگه نفسك بال100 ..!
الندم شي صعب وكلمة صعب كلش قليله بحقه الندم موت بطيئ استغلو كل شي بصالحكم وعيشو اللحظه ولتفوتون فرصه ولتوصلون روحكم لمرحلة الندم ابببد
كان معكم مجيهل 😅👌
وشكراً 😂✋
