شلونكم چلاوي ؟😍
جبتلكم فلسفه بعد الفطور هيج حلويات اعتبروها تحلون بيها 😂
بطبيعتنه احنه العراقيين من گد ما شفنه ضيم بحياتنه صار اغلبنه مليان بالطاقه السلبيه ..
يعني بس تگعد يم واحد يبقى يعددلك الامراض اللي بي بحيث تتفاجئ هذا شلون عايش ؟😯
خاصه النسوان اذا التقن تبقى الشكاوي تصعد وتنزل من رجولتهن ومن جهالهن ومن بيتهن وعيالهن يمكن احنه اكثر شعب يشتكي بالحياة !
لااا الاطگع شكو واحد متزوج تلزمه ناقم على حياتها وكارها ويگول غلطة حياتي تزوجت
زين يا ااخوان منو گلكم تزوجون ؟ تره العزابيه تخبل
منو گللكم الزواج ونسه وبس ؟🙂
يابه عبود مو جنت قبل تفرفر من شارع لشارع علمود بس تلمح سعديه وتشوف ابتسامتها 😅 هسه صارت كخه ؟ 😏
وانتِ وج سعديه ام اللبن مو جنتِ تشوفين عبود بالحلم وهو مكشر بوجهج وكل يوم واگفه ع السجاده تندعين تتزوجين ؟ هسه صار دوخه ومينجرع وميتعاشر ؟ 😏
زييين يلا الزواج سنة الحياة وجنتو عبالكم كل واحد منكم الملاك الطائر ونغدرتو بالعشره افتهمنه ..منو گلكم خلفو تسعه توء توء لتگولون بالغلط ..ماكو شي اسمه بالغلط اعزائي والعاقل يفتهم 🙂
الزواج قرار من اصعب القرارات بالحياة وعمره مچان بدلة عرس وفراش وبس !!
الزواج حياة من تقرر تتزوج معناها انه انت اختاريت حياتك الباقيه واختاريت مصيرك و قدرك ..اختاريت انسان رح تگابله اربعه وعشرين ساعه مو يوم ويومين وتمله لو تبدله اختاريت شريك يكمل وياك حياتك..!
اذا انت بعدك مشابع من الگهاوي ومشابع من جماعتك وسهراتك وونستك ومكسراتك لتزوج عزيزي لان رح يصيرلك الزواج سجن بنظرك 🙃
وانتِ غلاي اذا بعدج امج تغسلج ملابسج وتنامين للظهاري ومالج خلگ مسؤولية بيت وزوج هم لتتزوجين ...هسه تجيني وحده حنوشه وتگلي تره الزوجه مو خدامه وشغل البيت مو كلشي بالحياة الزوجيه ..!😼
لاا بابا لتضحكين على نفسج فدوه اروحلج شئتِ ام ابيتِ رح تغسلين ملابس ورح تنظفين ورح تطبخين وتربين وتشتغلين وتخدمين زوجج 🙂
اذا بعدج بعقل المراهقه وتحجين وي خمسه بكل برنامج للتواصل هم لتتزوجين لخاطر جدج السبعين فكيييينه مو بعدين اذا حجه وياج الرجال حجايتين طبيتي بالطشت حته تغرگين روحج 😯
يلا مالنه علاقه بالمتزوجين نارهم تاكل حطبهم 😅
نرجع لموضوعنه الرئيسي انه احنه هوااي نشتكي ونذمر من حياتنه ونبجي بباب العباس اربع وعشرين ساعه لييييش ؟
شوفو اني ما احب امدح بنفسي اببد لا والله اعوذ بالله من كلمة انا
بس اني عندي مبدأ لو على فراش الموت من يسألني واحد شلونك ؟
اگله زين الحمد لله وبإبتسامه هم 😅
اكو ناس يگلولي شلون هيج انت سعيد ومرتاح بحياتك شنو سر سعادتك ؟
اني انسان حالي حالكم عشت هواااي اخفاقات ومصاعب بحياتي بس اني مقتنع تماماً شكو نقطة فشل بحياتي هي بداية للنجاح
وحته اتعلم شغله اني لازم ادفع ثمنها بالبدايه ..!
القناعه هي السعاده لمن الانسان يكون مقتنع بحياته وثاق انه هذا قدره بحياة ولازم يتكيف ويتجاره ويا رح يكون سعيد
حتلو مجنت سعيد اتصنع السعاده ايي اتصنعها ويوم وره يوم وره يوم رح تلگه هذا الشعور ملازمك دائما ورح تشوف نفسك فعلا سعيد ♥
اتمنالكم سعاده وراحة بال دائمه ..!
وشكرا 😂✋
