اقرو رسالتها للاخير البنيه محتاجتكم وادي بيكم متقصرون 👇
السلام عليكم
تزوجت وعمري 18 سنه شخص حبني واهلي رفضو وثلاث سنوات رجع خطبني ووافقو اهلي
جان يموت عليه بس وره فتره عرفت عنده علاقه ويه بنت خالته وهي متزوجه جان عاقد عليها قبل وصايره مشكل وفسخو العقد وراجعه علاقتهم بالجديد اكتشفت بالصدفه بدون ما افتش بموبايله لان حيييل اثق بي ثقه عميا من كشفت وواجهته بقه ينطيني اعذار ويتوسل بيه حتى بس ابقى واني الغبيه قبلت لان كولش احبه وصارلنه متزوجين شهرين يعني صعبه اتطلق بهيج فتره قصيره بس
وراها سامحته بس بعد ما اثق بي صرت افتح التلفون مالته بدون ميدري وافتش بي مره اكتشفني جاي افتش ورا ضربني جان اول مره يضربني وما قبل يوديني لاهلي وبقه يتوسل ابقه ويا وحته بچي كام يبجي كدامي حته ابقه
هم اني غبيه للمره الثانيه وقبلت وحته اهلي ما كتلهم جنت مراهقه وكلش احبه ومتعلقه بي
وره فتره قصيره صرت حامل وبدت معاناتي الحقيقيه ويا صار يضربني ضرب حيل قوي حته ردت اسقط من وراه ومن يضربني ياخذ موبايلي ويحبسني بالغرفه حته ما اخابر اهلي وراها يجي يتوسل بيه ويعتذر مني حته يداوي الجروح مال الضرب مالته هه
كمت ما اطيقه وكدرت احصل اهلي واروح يمهم بس هو بقه يتوسل باهلي حته ارجع يكول ما اكدر اعيش بدونها بس هي متحرمني وترد عليه من تشوفني عصبي
فعلا اني على اثر الضرب صارت بيه مثل الحاله النفسيه كمت ما اتحمل وعصبيه حيل ومن يحجي وياي بعصبيه ويغلط عليه اوكف بوجها صح ما اغلط بس اصيح بوجها واكله ما اسمحلك ومن هذا الحجي
اهله مع انه همه حبابين ويحبوني بس بعد ميتحملونه كل مره يطردونه من البيت ونرجع ملو من عدنه حيل حته اني بعد ميطيقوني
اخر مره گطف عليه السجينه وجرحت ظهري بقيت ابجي واجه هو خايف عليه ويكلي حبابه سامحيني والله مو قصدي بس اتهسرت بقيت اصيح وابجي هم حبسني بالطابق الثاني واخذ موبايلي دكيت الباب على اخو لان هم يمنه بالطابق الثاني كتله خابر ابويه ابوس ايدك بالبدايه ما قبل بعدين خابر اهلي واجو اخذوني واني حته موبايل ماعندي اخذت بنتي وطلعت وي اهلي وانطيته بلوك من تلفون امي لان ادري رح يبقة يحجي وياها
جاب اهله واجه لبابا يكله اي شرط تريده حطه الي اني مستعد اتغير 180 درجه لاجلها اني ترعبني فكرة هي ما موجوده بحياتي وبنتي هم
وره شهرين من التوسل اهلي كلولي انطي هاي الفرصه واعتبريها فرصه اخيره وخلوله شروط وهو كال ميخالف
رجعت للبيت صار تقريبا سنه ورجعت علاقتي وي اهله هو شهرين ورجع مثل ما جان غلط وشتايم وحته فشار كدام اهله حسيت روحي حيوان بلا كرامه ولا عزة نفس اكول ميخالف علمود بنتي خلي اتحمل ومن يحجي ويهيني اسكت وما اتنفس اببد ومنع مني الواتساب والفايبر حته ما احجي وي اهلي ولا وي صديقاتي لان شافني فاتحه واتباد
لحد البارحه صارت مشكله ما اتحملت رديت عليه ضربني ضرب مبرح وكدام اهله كتله خلص بعد وديني لاهلي ميقبل وما عندي شريحه اخابرهم ولا عندي برامج تواصل مادري شسوي واهله ميحجون وياي ومن البارحه اني بالغرفه حته بدون اكل وجنت صايمه الله يشهد واليوم اني محاطه شي بحلكي اهله بعد ما اكدر احط عيني بعينهم صرت مثل الحيوان كدامهم انضرب بلا رحمه واخو تعارك ويا ودافع عني بس احنه اذيناهم هوااي بعد ما اريد انزل يمهم ولا اراويهم وجهي وبنتي هو جاي يجيبلها اكل
ما ادري شنو اسوي والله رح اموت والله بعد ما اكدر اعيش يمه ما اطيقه ولا اتحمل اعيش وي اهله اللي يحجون وياي بس من باب الشفقه تعبت والله تعبت نصحوني يا ناس اني بحاجتكم
خويه حباب رحمه لاهلك واجدادك نزل هسه بارت خلي يقرون الناس وينصحوني لان بعد شويه يجي زوجي واضطر احذف البرنامج حباب
