سلام ♥
شلونكم حبايب ؟
شلون اكدر اتعامل وي المشاكل بحياتي ..
كل انسان بينه مر بهوااي مشاكل بحياته منها البسيطه واللي بسرعه تعدي ومنها الصعبه ..
شوف يا بعد چبدي الحياة مستحيل تكون كامله شأت ام ابيت لاازم تكون مليانه نواقص يعني يجوز انت حلو بس ما عندك فلوس بس غيرك بالعكس كل شخص بالدنياا عنده مشكله وهم ينغص عليه حياته ..
تره ماكو شخص مرتاح ابببد ورب العالمين من ياخذ شي ينطي شي ثاني صدگني
دائما تذكر النعم اللي الله انطاكياها تره النظر السليم نعمه وجسمنه الكامل نعمه انه نشتهي الاكل نعمه ...! تره والله اكو ناس تجي للاكل متگدر تاكل وتتمنى عدها الشهيه حته تشتهي.. الصحه اكبر نعمه بس احنه متجاهليها...
ابد لتشكي من حياتك واحمد الله وشكره على كلشي ورب العالمين يكول ( ولأن شكرتم لازيدنكم ) اقنع بحياتك حتلو بقليلها وصدگني رح يجي يوم تحصل الاكثر والاكثر
القناعه حيل مهمه والله القناعه سعاده عيش حياتك ببساطتها وكون سعيد بيها واصنع السعاده من ابسط الاشياء .. تگدرين يا عزيزتي حتلو جنتِ محبوسه بالبيت تفتحين فد موسيقى حلوه وتبقين تنظفين البيت ثقي بالله رح تحسين بشعور كلش جميل وايجابي لمن تشوفين كلشي نظيف ومرتب بالاخير ..
اشغلو نفسكم دائما بحيث ميبقى عدكم وقت تفكرون بي وتستنتجون انه حياتكم وحظكم سيء واسود ..
تره السعاده مو صعبه ابببد تفاصيل صغيره ممكن تخلينه سعداء المساعده ، الابتسامه ، الشكر ، الصلاة ، قراءة القرآن .. كلام وي رجل او مرأه مسنه ، قراءة قصه سعيده ، شرب گهوه مثلا ...الخ
شوفو خليكم تتبعون قانون( المطاطيه ) تمطون نفسكم مثل المطاط وشگد ما جانت الظروف اللي انتو بيها صعبه رح تنمطون على حجمها وتستوعبوها ..مادري اذا افتهمتوني ههههه
صدگوني الحياة فانيه واهم شي بيها راحة البال والسلبيه تاكل بجسمكم وروحكم وتخليكم تشيبون من وقت محد يستاهل تخربون بشرتكم علموده ولا احد يستاهل تخفون ضحكتكم بسببه ..اجمل شي بالدنيا هي ضحكتكم عيشو بإيجابيه لخاطركم انتو وعيشو على حب الله بدون حقد ولا حقاره ولا حسد هم لنفسكم
سواد الروح اول شي ينضر بي هو انتو سامحو ، حبو ، ضحكو ، عاملو باخلاق وذوق ، خليكم شفافين بالتعامل دائما ،،،،، رح تلگون نفسكم سعيدين ومتأقلمين وي حياتكم ♥
تره قدركم مكتوب وقسمتكم مكتوبه خلص كل واحد بينه لازم يتقبل حياته مثل ما هي ويعيش سعيد لنفسه وللاشخاص الي يحبو ويتمنى الخير بالقادم دائما ....
اذا ما عندك شخص يحبك ؟
اني اموت على ربك 😚♥
