الايام الجايه هي ايام مباركه ..من افضل الايام عند الله ولازم نستثمرها صح ونعيشها صح ...وهي ليالي القدر !
تدرون بهاي الليالي رب العالمين رح يختار من عدنه ناس يعتقهم من النار نهائيا .. مو بعيده انه يختارك انت ..!! اببد مو بعيده
خلي هاي الايام هي بداية السنة الروحيه الجديده بالنسبه الك ..انسى الماضي وفكر باللي جاي واطلب من رب العالمين ياخذ بإيدك للطريق الصح
كل الذنوب اللي فاتت لو استغفرت عنها واعلنت توبه منها رب العالمين رح يقبلها ورح يغفرلك لان ابواب الرحمه مفتوحه بهاي الليالي
خلونه كلنه نطلب الرحمه من رب العالمين والمغفره والتوبه حته نبدي سنة روحيه جديده واحنه نظيفين وداخلنه نقي وننذر حياتنه لرضا الله والتقرب اله
و نبدي نبني درجات للارتفاع بسلم الايمان للجنه ..الحياة قصيره واتفه من انه نتقاتل ونتناحر حته نعيش يوم النه وعشره علينه ..
من اليوم رح نبدي كل عمل نريد نسوي نعرضه على رب العالمين ..واحنه بمقياسنه كناس عاقلين رح نمييز انه هذا العمل يرضي الله لو لا ؟
هاي هي الطاعه الحقيقيه والايمان الحقيقي ..ماكو شي بالدنيا يصيرلنه اذا الله ميريده الله القادر الوحييد انه يحقق احلامنه وينولنه الاشياء اللي نريدها ونحلم بيها
خلي نستذكر كل عمل سيء سويناه طول السنه الفاتت ونحذفهن وحده وحده ونعاهد نفسنه امام الله انه مراح نرجع اله ابببد
حياة مبنيه على الايمان برب العالمين وطاعته والخوف من عقابه هي الحياة السعيده الناجحه لااا مو بس حياة سعيده حته اخره سعيده !
مثل ما نلبس كفوف وكمامات ونرش ديتول حته لتصيبنا كورونا من اليوم رح نصلي ونبتعد عن المحرمات حته ليصيبنه غضب الله وناره ....
كل شخص مهموم وحزين وبگلبه حسره احب اگله محد بالدنيا قادر انه يرفع عنك هذا الحزن والهم غير الله وبسسسس ♥ والعاقل يفتهم .
وشكراً ✋
