سلام ♥
شلونكم ياروح الروح 😻 ؟
مشتاااق وشرف محمد 😻♥
اريد احجي وياكم بموضوع كلش حساس وجاي نشوفه ونسمع عنه هوااي واتمنه اللي يگدر ينشره بأي موقع تواصل ليقصر وحتلو بدون حقوق حته يشوفه اكثر عدد من الناس ،، واكون ممنون ♥
انك اختاريت بنت من عائلة حته تكون زوجة وشريكة لحياتك .. وحته تترك بيتها اللي فتحت عيونها بي وتربت بي وتنتقل لحياة غريبه عليها وي ناس يمكن ما شايفتهم بحياتها وتتخذ حياتها مسار اخر ما جانت متوقعته بيوم وتترك يد وجناح والدها وتلزم بإيدك وتكون تحت جناحك ..
تدري شگد صعبة ع الام والاب اللي ربو وتعبو وسهرو على بتهم واللي تعودو كل يوم تاكل وتشرب وياهم بيوم وليلة يصبحون وصوتها ماكو وصارت يم رجل غريب ..وانت تدري كلش زين البنت او الابن هو قطعه من روح اهله اذاً شنو مرحلة الثقه اللي واصليلها اهل هاي البنت حته يسلموك قطعه من روحهم !
ولمن يجيك ابوها ويگلك بنتي امانه عندك معناها سلمك امانه ومو مثل اي امانه سلمك روح ..!
والروح يا عزيزتي تنجرح وتتأذه حته من الكلمه المسيئه فما بالك من العمل المسيء !!
الامانه يجب ان تصااااان ..واللي وياك روح معناها اذا اذيتها او خدشتها او هنتها او نزلت راسها او قللت من قيمتها وكرامتها او حسستها انها غريبه ببيت اختارت ان يكون بيت اهلها الثاني اذاً انت خنت الامانه ...!
..امانه صعب صيانتها صعب التعامل وياها خلص اردها لصاحبها واحلل نفسي ولا انحسب خاين 🙂
وانتِ ايتها الامانه الكيوت تره دور زوجج صعب حيل وصيانة الامانه مسؤوليه كبيييره حاولي تخففين عليه حمل هاي المسؤوليه بالتالي هو ولي امرج حالياً وسندج وظهرج وسترج ورفعة راسج ..اغفريله الزلات الصغيره وكوني اله رفعه وليس وقعه.. نجاح مهمة زوجج بالحفاظ عليج معناها حياة سعيده الج واله ولاهلج ولاهله يا عيني
كوني له عون وسند مثل ما هو عون وسند الج وكل انسان له صفاته السلبيه وانتِ لازم تدرسيها وتفهميها وتتأقلمين وياها حته البيت والمستقبل الي بنيتي مينهدم بأذن الله
.
.
.
.
.
.
.
بالنهايه ( الى كل معنفه ابببد لتسكتين عن حقج محد له الحق بهاي الحياة انه يمد ايده عليج ويقلل من كرامتج ويهين انسانيتج لتگولين زوجي وميخالف واصبر تووووء مثل ما هو انسان انتِ انسانه ليش ماهو صبر عليج وما ضربج !
اخذي موقف من اول ضربه ولتسامحيه بكلمة وبكلمتين بينيله انه بهاي فعلته خسرج حته يعرف نتيجة هذا الشي هو الخاسره وبس ..
لتگولين ماعندي اهل واسكت علمود اولادي وبلكت يتغير بمرور الوقت ..غلطانه ابويه هو بمرور الوقت رح تصيرين بنظره دمية للضرب والاهانه ..عوفي عواطفج على جهه وعامليه كرجل غريب ضربج مو زوجج واخذي الاجرائات اللازمه حته تاخذين حقج ...
.
.
.
.
وانت اللي جاي تلعب دور الرجال والزلمه اللي مسيطر على مرته تره من تضرب مرتك انت جاي تشبه روحك بالحيوان لان الحيوان بطبيعته يهاجم ويفترس اللي اضعف واصغر منه يااا حيوان اقصد يا ذكر 🙂
لتنتظر منها بعد انوثه ، حنان ، عاطفه ، اهتمام ، حببببب لتنتظر تره حتلو سكتتلك معناها اخذتك على گد عقلك واعتبرتك مريض نفسي واخذت ثوابها من رب العالمين بالصبر عليك وبنفس الوقت صرت بنظرها زوج ناقص !
اللي ميصير لزوجته قوه ورفعه وظهر وكرامه ميستحق كلمة رجال ..!
واللي متصون زوجها وتحفظ هيبته وتلزم بيتها متستحق غير كلمة بلا تربيه !
شنو السبب اللي يخلي الزوج يضرب زوجته ؟
وشوكت يحق للزوجه تعوف بيتها وتطلع ؟
وهل يحقله يمد ايده عليها اذا ضوجته بكلامها ؟
وشوكت يحقله الضرب ؟
|||||||||||||||||||||||||||||||
اللي عيدهم باجر كل عام وانتو بخير وسعاده ♥
واللي عيدهم عگب باچر كل عام وانتو بخير وسعاده مقدماً 😻♥
وشكراً 😂✋
