الاغلب هاي الفتره جاي يگلي مجيهيل عرف عن نفسك خلي نعرفك اكثر !
تدرون اذا عرفت عن نفسي يعني مجيهيل ماكو بعد يختفي 😐 لهذا علمود ابقه وياكم ما راح اعرف عن نفسي ابببد 🌚
هههههه اتشاقه مو هذا سببي اسم ( المجهول ) عندي رساله منه ..
رسالتي انه الشخص ممكن يكون ناجح بدون اسم وممكن يحبو الناس وهو بدون اسم وممكن يوصل اللي بداخله بطريقة واضحه وقريبه للكل هم بدون اسم وممكن يكونون اله حاقدين وحاسدين وهو بدون اسم ...
اني انسان الي اسم وعشيره معروفه واهلي معروفين بمحافظتي على فكره...! بس ماريد اسمي يكون هو سبب نجاحي هنا ولاا اريد الناس تتابعني لان اني فلان ابن فلان لع اريد اكون قريب الكم بروحي مو بأسمي واريد اتعامل وياكم بجوهري مو بمظهري 🙂♥
اتمنه تتفهمون هذا الشي وميأثر على تقبلكم لشخصيتي و لروحي ....اني انسان احب الحريه ماريد يحكمني اسمي او يقيدني شغلي او طبيعة عملي من انه اطرح مواضيع تناسب الك بطريقة عفويه وسلسه ممكن يكون بيها فائده للبعض
اتمنه تكون صوت اشعارات كتابي وتعليقاتي الها نغمة ووقع لطيف على مسامعكم وتكون كتباتي ونصائحي قريبه الكم وتشبهكم وتمثلكم 🌚♥
ترقبو بالليل بارت قنبله 🌚♥
وشكرا 😂✋
