مسائكم سعاده ♥
شلونكم يلبة گلبي ؟
جايكم بفسلفه غير شكل اقرو للنهايه 😂👇
شوكت تبدي فترة المراهقه ؟ وشلون اتعامل وي مراهقتي ؟
لمن الاهل والحبايب يشوفوك بالعيد او مناسبه يگلولك هاي شنو كبرااان 😯 وطبعا هاي الكلمة رح تنرفزك وتحسسك بتفاهتهم ورح تحجي بگلبك وممكن بصوت عالي ..تريدوني اصغر مثلا !😏
اعرف نفسك انه هاي الكلمه هي بداية ( مراهقتك )رح تعيش بهاي الفترة مشاعر واحاسيس وتغيرات فضيعه وسريعه والمفروض منك تستوعب اللي جاي يصير بجسمك وعقلك وتوجهاتك وتفكيرك ..
اول شغله رح تنتبه الها هي التغيرات بجسمك ورح تبدي تراقبها بدهشه وممكن توگف كدام المرايه ساعه كامله وانت تحس نفسك مو انت ..وتتسائل شجاي يصير ؟
التغيرات اللي تصير بيك من الناحيه الجسمانيه مثلا رح يبدي زغب وشعر خفيف بجسمك ما ملاحظه قبل ورح تبدي اجزاء بجسمك تكبر وتبرز اكثر وبإعتبار مجتمعنه مغلق ومكبوت وكلشي عدنه عيب وحرام رح تضطر تخفي هاي التغيرات وتخجل تحجي لاحد او تسأل عليهن احد وتعيش صراع هاي التغيرات وي نفسك وبس ..
اكو بعض البنات اعتقد تگوم تخجل من جسمها وتحاول قدر الامكان تخفي المناطق اللي بدت تبرز او تستحي من الحبوب اللي تطلع بوجها نتيجة تغير الهرمونات وحته الشاب رح يخجل من التغيرات والتطورات اللي رح تحصله بجسمه وبشكله ..
لكن بإعتبار البنت اكثر حساسيه وعاطفه من الممكن انه تكره نفسها وجسمها وتميل للعزله والانغلاق وهاي احد اسباب الاكتئاب بهاي الفتره ..وللاسف اغلب الاهالي على الرغم من انه كلهم مرو بهاي التغيرات وبهاي الفتره بس محد ينطي من نفسه ويگعد شويه وي الابن المراهق او البنت ويسولف وياهم ويفهمهم انه هاي مرحله طبيعيه الكل مر بيها ويحببهم بهاي التغيرات ويبين الهم انها بداية نضجهم وبلوغهم ويأكدلهم انه هاي التغيرات رح تزيد من جاذبيتهم وجمالهم ومراح تقللها اببد ...
اما من ناحية المشاعر والعاطفه هنا تكمن صعوبة هاي الفتره حرفياً ... اني اگللكم شلون يعني !
بالبدايه رح يكثر تفكيركم واهتمامكم بالجنس الاخر يمكن الولد قبل سنتين جان يكره البنات وسوالفهن بهاي الفترة رح يعشق شكو بنيه يشوفها بالطريق بإعتبار الغريزه بهاي الفتره تكون اقصاها عند الشاب 😅
لهذا لحد تجي تبوسلي ولد عمره 15 سنه وتكول بعده طفل لو تلبس گدامه قصير ومشلح حتلو چان اخوها لان خطيه رح تأذي وتحرفين تفكيره غصبا عليه لان هو هستوه جاي يتأقلم وي هرموناته وبعده ما مستقر ورح ينتبه على كل شغله تسويها لان فضوله بشغلات النسوان هاي الفتره فووول 😂
