شلونكم غوالي ؟
اريد احجي وياكم بموضوع كلش مهم اتمنه تقرون البارت للاخير 👇
قبل اقل من اسبوع تقريبا سمعت بعمتي اتوفت واني بأربيل قررت ارجع لاهلي ثاني اليوم ... المهم وصلت تقريبا بال10 الصبح خابرني ابوي كال احنه بالتشييع تعال تلحگ گتله اوك ..
اني هذا مو اول تشييع ولادفن احضره هوااي حاضر بس وي كل مره احساسي متشابه خلال هاي المراسيم...
احساس بالرهبه يبدي الانسان يتذكر اعماله السيئه يبدي نفسه يضيق وگلبه يخفت وكأنه هو اللي بالتابوت مو شخص ثاني حته الهوى يقل وتصير الدنيا صغيره حيييل بعينه
من شفت الحفره اللي حفرها الدفان شگد صغيره وضيقه يا اخي حسيت شگد الدنيا تافهه وقصيره اليوم احنه عايشين باجر يجوز احنه بهاي الحفره ولا رح ناخذ ويانه لا مال ولا اسم ولا شهره ولا سياره ولا ذهب وووووو
كلشي مناخذ ويانه بس صلاتنه ، صومنه ، عبادتنه ، اعمالنه الصالحه
ونعوف ورانه مجرد اسم من الماضي .. كلما يذكروه يسبقوه بكلمة ( جان ) .. ويختمون حديثم ب ( الله يرحمه ) !
والفرق انه اكو انسان بين ال ( چان ) وال (الله يرحمه ) ذكر طيب وشويه دموع وسوره الفاتحه !
واكو بشر بكل حديث عنه لازم اكو ذكر سيء وافعال مشينه بحيث كلمة الله يرحمه گوه تطلع من حلگ اللي يتذكره
خلونه قدر الامكان نحاول نكون من النوع الاول نشتغل لبعد موتنه من هسه ونترك بصمه طيبه وذكر جميل بالدنيا وناخذ ويانه اعمالنه الصالحه وحبنه وتمسكنه برب العالمين لان كلنه نموت عادي ابد ليخوفنه هذا الشي ..
اكو ناس تگول اني بعدي شاب من اكبر اصلي واصوم واستغفر على افعالي ..
تره الشباب هسه جاي تموت اكثر من الكبار بالعمر الموت ابد مياخذ اذن احد قبل ليجي الموت يفجع ياخذ البشر بثواني وهو غافل وملتهي بالدنيا والله اذا الانسان ميشتغل بشبابه لاخرته يخسر ...
عدكم علم انه رب العالمين يباهي بالشباب المؤمنين اللي يشتغلون لاخرتهم ويتذكروها دائما گدام ملائكته ! اي كدام الملائكه يگلهم انتو ما خليت بيكم غريزه من البديهي انه رح تبقون تعبدون الي على اطول بس هذوله الشباب خليت بيهم غرائز وبيبان الحرام كدامهم مفتوحه بس همه اختارو الحلال بسبيل يرضوني ويبقون قريبين الي ..!
مرحلة الشباب كلش مهمه لحد يكول العمر كدامي ورح اصلح اخطائي بمرور الوقت صدگني ممكن الوقت اللي انت تتوقعه بعيد هو كلش قريب وانت متحس بي !
لتزعلون احد ولتجرحون احد خاصه الام والاب ارضوهم دائما ولتخلوهم زعلانين عليكم ولا يوم احنه منعرف بأي دقيقه او يوم نفقد شخص عزيز وحبيب واحنه مشبعانين منه والله الندم بعد الموت يأذي حيل حيييل فوگ متتصورون 💔
حبو كل الناس وعيشو على حب الله كل الشهوات والمتع بالحياة زائله عيشو حياتكم وحبوها وكونو سعيدين دائما لان الحزن ايام ويعدي والفرح هم ايامه قليله سامحو من گلبكم حته تعيشون مرتاحين الضمير ...
الصلاة ثم الصلاة ثم الصلاة ديرو بالكم عليها تره هي رح توگف وياكم لمن تكونون وحدكم بحفره وبمكان بعييد عن كل اهلكم وناسكم هي رح توگفلكم وتسندكم وتشفعلكم صدگوني ♥
وهنا اريد اگللكم احبكم كلكم وماعندي حقد او غل على اي بشر هنا بالعكس كل شخص اله معزته الخاصه بگلبي واذا احد ضايج مني اعتذر منه واگله مستحيل جنت قاصد اذيتك بيوم !♥
كل الحب ♥
تحياتي ✋
