سلام ♥
شلونكم يبعد عيوني ؟😻
اريد اسولف بشغله مهمه حيل هي اساس الحياة اصلا اريد احجي وياكم عن موضوع شلون اگدر اختار الشخص او الشريك او الزوج الصح ؟!
غالباً الناس تسأل نفسها او تسأل المقابل منو الافضل الزواج التقليدي او الزواج عن حب ؟ 🤔
نجاح الزواج او فشله ابببد ميعتمد اذا كان الزواج تقليدي او عن حب ..
التقليدي اختلافه عن الزواج عن حب وهي انه شخص متعرفه ولا شايفه بحياتك تختاره يكون شريك الك بالحياة
بس اكو احتمال انه هذا الشخص اللي مشايفه بحياتك رح تكون الحياة افضل ويا بعد العشره والمعرفه الحقيقيه
هواااي ناس تزوجو بعد حب سنوات بالاخير انتهى زواجهم بالطلاق !
تدرون شنو سبب فشل اغلب الزواجات اللي جانت عن حب خاصه اللي عدهم قصة حب ملحميه گلاگمشيه 😯
..هي انه الانسان لمن يحب رح يكون قلبه هو المسيطر الاقوى والشغف رح يكون بأقصى حالاته رح يغفل ويتغافل عن الصفات السيئه الموجوده بالشريك ورح يگول احبه بزينه وبشينه .. ورح يكون تركيز عقله هو انه شلوون رح انجمع وي هذا الشخص بييت واحد وكلشي يهون !
وره الزواج وبسبب قرب المسافه والروتين والملل الشغف رح يقل هنا العقل رح يرجع لوضعه الطبيعي ورح ينصدم انه اكو صفات سيئه بهذا الزوج او الشريك مستحيل رح يگدر يتقبلها والمقابل رح يفكر بنفس الطريقه هنا رح يكون اكتشاف كل صفه سيئه هي بمثابة صدمه كبيييره ورح تخلق مشكله كبيره ورح يحس كل واحد بيهم انه هو انخدع او المقابل بطل يحبه او هو انخذل وووو الخ
وبتالي يتحول الحب الى خصام وتناحر وتصادم البعض يگدر يتقبل الوضع ويحسبها صح ويفكر انه هو ما جان يحب ملاك وانما انسان والانسان لازم يكون عنده عيوب واكو بيهم توء الصدمه تكون كبيره بالنسبه اله وميگدر يتأقلم وياها او يتقبلها بحيث يشوف الزوج غير شخص مو نفسه اللي جان يحبه وهيج تنتهي العلاقه بالانفصال او تكون عباره عن مشاكل ...
لهذا مسألة التقبل هي الاهم والمفروض الزواج يكون مبني على عقل وليس على عاطفه مجرده من اريد ارتبط لازم افكر واقتنع انه حياتي من يوم ورايح هي مناصفه وي شخص لازم اختاره صح لان هاي علاقة عمر مو يوم ويومين لازم تُدرس بشكل صحيح
وفترة الخطوبه من اهم الفترات وهي اللي تحدد مصير الزواج تقريبا اذا عرفنه نستغلها بالشكل المطلوب
هي فترة تعارف وبحث واختبار ابببد مو فترة طلعه وونسه وعزايم ومشابگ ومحاضن !🙂
اني ما اتقبل الشخص العصبي ! لازم ابحث بشخصة الشريك بفترة الخطوبه حته اكتشف انه هو هادئ لو عصبي زين اذا عصبي شلون رح يكون تعامله وياي وقت عصبيته ؟
ممكن يضرب ؟ ممكن يغلط ويسب ؟
واذا اني ما اتقبل الشخصيه الشكاكه هم لازم اختبر الشريك واكتشف هل هو شخصيه شكاكه او لا ...وهكذا
لحد ما اتأكد انه هذا الشخص هو الشخص اللي احسه رح يكون سند وقوه وظهر هنا رح اگول لگلبي يلاا يگلبي حبه هذا يستاهل 🙂♥
هنا عشقو حبو ذوبو موتو ماعليكم شر كلشي تريدون تسوو سوو براحتكم 😂👌
اذا تريدون اعلمكم شلون تختبرون الخطيب او الخطيبه وتعرفون شخصيته الحقيقه كتبولي بالتعليقات 😅🚬
وشكراً 😂✋
